ٹی ایم سی کے رکن پارلیمنٹ دنیش تریویدی نے استعفیٰ دینے کا اعلان کیا ہے۔ راجیہ سبھا کے رکن دنیش تریویدی کا تعلق بنگال سے ہے۔ آج انہوں نے ایوان میں خطاب کے دوران اپنے مستعفی ہونے کا اعلان کیا۔ انہوں نے کہا کہ بنگال کی صورت حال بہت خراب ہے اس لئے وہ ایسا فیصلہ کر رہے ہیں۔
ایوان میں اپنے خطاب میں دنیش تریویدی نے کہا کہ جس طرح مغربی بنگال میں تشدد ہو رہا ہے، مجھے گھٹن محسوس ہو رہی ہے، اس لئے میں اپنے دل کی آواز سن کر یہاں سے استعفیٰ دے رہا ہوں اور مغربی بنگال میں جاکر کام کروں گا۔
واضح ہو کہ مغربی بنگال میں اس سال انتخابات ہونے والے ہیں اور بی جے پی مغربی بنگال میں پوری کوشش کر رہی ہے کہ وہ ریاست میں اپنی حکومت بنانے میں کامیاب ہو جائے۔ اس کے قبل بھی ٹی ایم سی کے کئی سینئر رہنما پارٹی چھوڑ کر بی جے پی میں شامل ہو چکے ہیں۔
