Karnataka Assembly Election شہر کو پُرامن بنانے کے لئے سیکولر پارٹیوں کا انتخاب کرینگے، سماجی کارکن

کرناٹک اسمبلی انتخابات کے پیش نظر منڈیہ شہر کے سماجی کارکن نعمت کا کہنا ہے کہ منڈیہ ایک پر امن شہر ہے لیکن بھارتیہ جنتا پارٹی کی جانب سے یہاں بھی ہندو اور مسلمان کے درمیان نفرت پیدا کرنے کی کوشش کی جارہی ہے۔Karnataka Assembly Election

بنگلور: ریاست کرناٹک میں ہونے والے اسمبلی انتخابات کے پیش نظر ای ٹی وی بھارت نے مقامی لوگوں سے بات کرکے ان کے رجحانات کو جاننے کی کوشش کی۔ اس دوران منڈیہ شہر کے سماجی کارکن نعمت نے ای ٹی وی بھارت سے بات کرتے ہوئے کہا کہ منڈیہ میں تمام سیاسی پارٹیوں کی جانب سے کئی وعدے کئے گئے لیکن وہ وعدے صرف زبانی جمع خرچ ثابت ہوئے اور زمینی سطح پر ان کا کوئی نفاذ نہیں ہوا۔ انہوں نے کہا کہ منڈیہ شہر میں عوام کو کئی مسائل در پیش ہیں، جن کے متعلق نہ ہی مقامی رکن اسمبلی اور نہ ہی رکن پارلیمان کی جانب سے کوئی اقدامات کئے گئے ہیں، جس سے عوام میں کافی ناراضگی ہے۔ انہوں نے کہا کہ منڈیہ ایک پر امن شہر ہے لیکن بھارتیہ جنتا پارٹی کی جانب سے یہاں بھی ہندو اور مسلمان کے درمیان نفرت پیدا کرنے کی کوشش کی جارہی ہے اور یہاں کے پُرامن ماحول کر خراب کرنے کی کوشش کی جارہی ہے۔ They will choose secular parties to make the city peaceful says social worker

انہوں نے مزید کہا کہ ایسے حالات میں منڈیہ میں آئندہ انتخابات کے پیش نظر یہ لازمی ہے کہ بھارتیہ جنتا پارٹی کو روکا جائے تاکہ منڈیہ کے حالات سازگار رہیں اور یہاں ہندو مسلم بھائی چارہ برقرار رہے، اسی لئے سیکولر پارٹیوں یعنی کانگریس یا جے ڈی ایس کو ووٹ دیکر مقامی عوام کو درپیش مسائل کے حل کے لئے اقدامات کئے جائیں۔