حیدرآباد: چارمینار کے نام کی جگہ بھاگیہ لکشمی مندر لکھا جارہا ہے

جلسہ سے خطاب کرتے ہوئے مشتاق ملک نے کہا کہ چارمینار کے دامن میں تعمیر بھاگیہ لکشمی مندر میں فلم اسٹار اور بی جے پی کے مرکزی رہنما پوجا کرتے ہیں اور چارمینار کے نام کی جگہ بھاگیہ لکشمی مندر لکھا جارہا ہے۔

ریاست تلنگانہ کے دارالحکومت حیدرآباد کے خلوت میدان میں تحریک مسلم شبان نے اتحاد ملی جلسہ کا انعقاد کیا۔ چند دن قبل حیدر آباد میں بی جے پی نے چارمینار کے دامن سے ایک ریلی نکالی تھی۔ اس کی ریلی کے بعد مسلم سماجی اور فلاحی تنظیموں کی جانب ملی ریلی نکالنے کے لیے اعلان کیا گیا تھا تاہم پولیس نے ان تنظیموں کو اجازت نہیں دی تھی۔

تحریک مسلم شبان نے ہائی کورٹ سے رجوع ہوتے ہوئے اجازت حاصل کی، کورٹ نے خلوت میدان میں جلسے کی اجازت دے دی۔

آج خلوت میدان میں تحریک مسلم شبان کے صدر مشتاق مالک کی صدارت میں جلسہ منعقد ہوا جس میں علماء و مشائخ اور سیاسی رہنماؤں نے شرکت کی۔

اس جلسہ سے خطاب کرتے ہوئے مشتاق ملک نے کہا کہ سکریٹریٹ کی دو مساجد کی شہادت کے خلاف قرار داد منظور کی جائے اور اسی جگہ پر مساجد کو دوبارہ تعمیر کیا جائے۔

انہوں نے کہا کہ چارمینار کے دامن میں تعمیر بھاگیہ لکشمی مندر میں فلم اسٹار ارو بی جے پی کے مرکزی رہنما پوجا کرتے ہیں اور چارمینار کے نام کی جگہ بھاگیہ لکشمی مندر لکھا جارہا ہے جب کہ تاریخی شہر حیدرآباد کے نام سے موسوم ہے لکین فرقہ پرست جماعتوں نے اس شہر کو بھاگیہ نگر لکھ رہے ہیں۔

اس جلسہ سے سابق رکن پارلیمان عزیز پاشاہ، کانگرس عثمان بن محمد الہاجری، مفتی معراج الدین ابرار، عبدالعزیز اور دیگر نے خطاب کیا۔