تمل ناڈو حکومت آن لائن گیمنگ پر پابندی لگائے گی Tamil Nadu Government Will Ban Online Gaming۔ یہ اطلاع وزیر اعلیٰ ایم کے اسٹالن M. K. Stalin Chief Minister of Tamil Nadu نے آج اسمبلی میں دی۔ انہوں نے کہا کہ حکومت یقینی طور پر ریاست میں آن لائن گیمنگ پر مکمل پابندی لگائے گی۔
گورنر کے خطاب کے لیے شکریہ کی تحریک پر بحث کے دوران اپوزیشن اے آئی اے ڈی ایم کے کے رکن وی ویتھیلنگم کی طرف سے اٹھائے گئے ایک سوال کا جواب دیتے ہوئے، وزیر اعلیٰ نے کہا کہ گزشتہ سال ریاست میں آن لائن گیمنگ پر پابندی لگانے کے لیے سابقہ آل انڈیا انا دراوڑ منیترا کژگم حکومت کے ذریعہ تمل ناڈو گیمنگ اور پولیس قانون (ترمیم) ،ایکٹ ،2021 قانون بنایا گیا تھا۔ تاہم، 3 اگست 2021 کو مدراس ہائی کورٹ نے اسے مسترد کر دیا تھا۔