علی گڑھ شہر مفتی محمد خالد حمید نے کہا کہ تعلیم کے ساتھ طلبہ کی تربیت بھی ضروری ہے کیونکہ جب تعلیم کے ساتھ تربیت بھی اچھی ہوگی تو طلبہ ملک و ملت کا نام خوب روشن کریں گے۔
مفتی محمد خالد حمید نے مزید کہا کہ علی گڑھ کی ریاض کالونی میں زیر تعمیر مدرسہ دارالعلوم حسینیہ بہت بہتر انداز میں دین کی خدمات انجام دے گا اور اس کے بانی و ناظم مولوی محمد انعام بلند شہری ایک نوجوان عالم دین ہیں ان سے کافی امیدیں وابستہ ہیں۔ اللہ سے دعا ہے کہ اللہ اس ادارے کو خوب ترقی عطا فرمائے۔
شہر مفتی محمد خالد حمید کو مدرسہ دارالعلوم حسینیہ کا سرپرست بنایا گیا اس موقع پر مدرسے کے بانی و ناظم محمد انعام بلند شہری نے بتایا کہ اس میٹنگ میں شہر مفتی علی گڑھ جناب خالد حمید صاحب سے مدرسہ دارالعلوم حسینیہ کا سرپرست بننے کی درخواست کی گئی، جس کو الحمدللہ شہر مفتی جناب خالد حمید صاحب نے قبول فرمایا اور اپنے نیک مشوروں کے ساتھ خوب دعاؤں سے نوازا۔
اس موقع پر معروف سماجی کارکن و ایڈیٹر ندائے انصاف علی گڑھ ڈاکٹر عرفان انصاری و معروف سماجی کارکن ایڈووکیٹ چودھری ابراہیم حسین، جناب حامد میاں اور دیگر شرکاء نے شہر میں خالد حمید صاحب کو مدرسہ دارالعلوم حسینیہ علی گڑھ کا سرپرست منتخب کئے جانے پر شہر مفتی علی گڑھ مفتی خالد حمید اور مدرسہ کے بانی و ناظر مولوی محمد انعام بلند شہری کو مبارکباد پیش کی اور نیک خواہشات کا اظہار فرمایا۔
مزید پڑھیں:نو ستمبر علی گڑھ مسلم یونیورسٹی کا اہم اور تاریخی دن
واضح رہے کہ ضلع علی گڑھ تھانہ کوارسی علاقے میں موجود ریاض کالونی مسلم اکثریتی نئی آبادی ہے، جہاں پر کوئی مسجد یا مدرسہ موجود نہیں ہے۔ علاقے کی ضرورت کو مدنظر رکھتے ہوئے نوجوان عالم دین ناظم محمد انعام بلند شہری نے مدرسہ قائم کرنے کا فیصلہ کیا جس کا سنگ بنیاد کچھ ماہ قبل حضرت مولانا سید سلمان حسینی ندوی نے رکھا تھا۔ جس کا سرپرست علی گڑھ شہر مفتی محمد خالد حمید کو بنایا گیا۔
