مولانا کلیم الدین صدیقی کی گرفتاری کے خلاف ایس آئی او کا احتجاج

ریاست مہاراشٹر کے ضلع اورنگ آباد میں مولانا کلیم الدین صدیقی کی گرفتاری کے خلاف ایس آئی او نے احتجاج کیا۔

ایس آئی او نے داعی اسلام مولانا کلیم الدین صدیقی کی غیر مشروط رہائی کا مطالبہ کیا۔ ساتھ ہی آسام تشدد کے متاثرین کو ایک کروڑ روپئے معاوضہ دینے کا مطالبہ کیا۔

جماعت اسلامی ہند کی طلبا ونگ ایس آئی او کی جانب سے اورنگ آباد میں ڈیویژنل کمشنر آفس کے روبرو احتجاجی دھرنا دیا گیا۔

اس دھرنے کے ذریعے طلبا نے مولانا کلیم الدین صدیقی کی گرفتاری کے خلاف آواز بلند کی۔

اس کے علاوہ آسام تشدد کو ریاستی تشدد سے تعبیر کیا اور مہلوکین کے ورثا کو ایک کروڑ اور زخمیوں کو پچاس لاکھ روپئے معاوضے کا مطالبہ کیا گیا۔

پولیس کی مداخلت کے باعث اس دھرنے کو کچھ دیر بعد ہی ختم کردیا گیا۔ دھرنے میں شامل طلبا نے پلے کارڈ لیکر اپنا احتجاج درج کروایا۔