بارہ بنکی میں ایل آئی سی کے دفتر میں ہڑتال

اتر پردیش کے بارہ بنکی میں جمعرات کو ایل آئی سی کے تمام افسران اور ملازمین کی تنظیموں کی اپیل پر مکمل ہڑتال کی گئی۔ حکومت کی مزدور مخالف پالیسی، ایل آئی سی میں حصہ داری کو شیئر بازار میں لسٹ کرنے اور نئی پینشن پالیسی سمیت مختلف موضوعات کے خلاف ایل ائی سی دفتروں میں کوئی کام کاج نہیں کیا گیا۔

بارہ بنکی شہر کے موحلہ آواس وکاس واقع ایل آئی سی کے چیف دفتر کے گیٹ پر تمام افسران اور ملازمین نے حکومت کے خلاف احتجاج کیا۔ ایل آئی سی ملازمین یونین کے ضلع سکریٹری آشیش بھدوریا نے بتایا کہ ایل آئی سی کی حکومتی حصہ داری کا شیئر بازار میں لائے جا رہے آئی پی او، ٹھیکہ نظام، تنخواہ سمجھوتے کے نافذ نہ ہونے اور حکومت کی تمام پالیسیوں کے خلاف یہ ان کا احتجاج ہے۔

انہوں نے کہا کہ ایل آئی سی کی حصہ داری کو شئیر بازار میں لسٹ کرنے سے بیما ایجنٹوں اور صارفین کو کافی نقصان ہوگا۔ انہوں نے کہا کہ نئی پینشن پالیسی سے بھی بیما ایجنٹوں کو کافی نقصان ہوگا۔ انہوں نے کہا کہ حکومت تمام اداروں کو فروخت کر کے پرائیوٹائیز کر رہی ہے۔ حکومت ترقی کے نام پر صرف اداروں کو فروخت کر رہی ہے۔