دلتوں پرتشدد اور کسانوں پر ظلم حکومت کے زوال کا پیش خیمہ ثابت ہوگا: راہل گاندھی

جنترمنترسڑک پر حزب اختلاف رہنماوں کے ساتھ احتجاج سے خطاب کرتے ہوئے کانگریس پارٹی کے رہنما راہل گاندھی نے مرکزی حکومت پر شدید تنقید کی۔ انہوں نے کہا کہ "ملک میں غریبوں، دلتوں، کسانوں اور مزدوروں کی آواز سنی جائے گی۔ یہ صدائیں رفتہ رفتہ زورپکڑیں گی اور پھرآوازوں کا یہ طوفان نریند مودی کے لیے اقتدار سے محرومی کا پیش خیمہ ثابت ہوگا۔

راہل گاندھی نے کہا کہ "ہمارا کام بھارت کے لوگوں کو یہ یاد دلانا ہے کہ بابا صاحب امبیڈکر اور مہاتما گاندھی نے کیا کہا تھا۔ انہوں نے کہا تھا کسی سے خوفزدہ مت ہونا۔ یہ بزدل اور کھوکھلے ہیں، اور جس دن ملک کے عوام اپنے حقوں کے حصول کے لئے آواز بلند کریں گے یہ لوگ راہ فرارا اختیار کرنے پر مجبو ہوجائیں گے ۔

کانگریس پارٹی کے سابق صدر راہل گاندھی نے جمعرات کے روز وزیر اعظم نریندر مودی پر سخت تنقید کرتے ہوئے کہا ملک میں غریبوں، دلتوں، کسانوں اورمزدوروں کی آواز سنی جائے گی۔ یہ صدائیں رفتہ رفتہ زور پکڑیں گی۔اور پھرآوزاوں کا یہ طوفان نریندر مودی کے لئے اقتدار سے محرومی کا پیش خیمہ ثابت ہوگا۔

ای ٹی وی بھارت سے بات کرتے ہوئے ڈی پی سی سی کے سربراہ انیل چودھری نے کہا " آئےدن دلت لڑکیوں کو تشدد کا نشانہ بنایاجارہا ہے۔ کیونکہ اروند کیجریوال حکومت عوام کو بے وقوف بنانے اور اپنی سیاسی بالادستی کو قائم رکھنے کے لئے کوشاں ہے۔ انہوں نے کہا کہ آئے دن دلت طبقہ سے تعلق رکھنے والی کمسن لڑکیوں کو جنسی زیادتی کا نشانہ بنایا جا رہاہے ۔

یہ تبصرہ دراصل کانگریس کے ایس سی ڈیپارٹمنٹ اور اس کی دہلی یونٹ کی جانب سے دلت لڑکی پر حال کے ایام میں ہوئے مظالم کے خلاف منعقد احتجاج کے دوران کیا گیا ہے۔

انہوں نے یہ بھی کہا کہ گذشتہ سات سالوں میں جب سے مرکز میں مودی اور دہلی میں اروند کیجریوال نے اقتدار سنبھالا ہے۔ اسی وقت سے قومی دارالحکومت میں امن و امان کی فضا مکدر ہوئی ہے۔ اور خواتین کی حفاظت اور سلامتی سےاس حد تک سمجھوتہ کیا گیا ہے کہ مجرم آزادانہ طور پرگھومتے ہیں ۔

ادھر کانگریس لیڈر ادیت راج نے الزام لگایا کہ یہ حکومت دلتوں کے مقابلے میں گایوں کی جان کی حفاظت کے لیے زیادہ بے چین ہے۔

یہ احتجاج جنتر منتر روڈ پر منعقد ہوا۔ جہاں سخت سیکورٹی تعیناتی کی وجہ سے کانگریس ارکان پارلیمنٹ ہاؤس تک نہیں پہنچ سکے۔