حیدرآباد:بالی ووڈ کنگ شاہ رخ خان نے جمعرات کے روز تقریباً تین منٹ طویل ویڈیو کا اجرا مشہور برج خلیفہ پر کیا، جس میں وہ ایک انوکھے انداز میں دکھائی دییے، چنئی میں فلم کے شاندار آڈیو لانچ کے بعد کنگ خان نےدبئی کے برج خلیفہ پر مکمل ٹریلر لانچ کیا۔ تقریب کے دوران سپر اسٹار نے اپنے گانے زندہ بندہ سے لوگوں کو متاثر کیا۔ انہوں نے اس عظیم الشان تقریب میں عربی ورژن گانے چلیہ کا بھی اجرا کیا۔ اپنی شاندار کارکردگی کے بعد، شاہ رخ خان نے اپنے مداحوں سے بات چیت کی اور اپنا مشہور پوز بھی دیا۔ کنگ خان نے کہا کہ فلم جوان میں ہر ممکن چیزیں پیش کرنے کی کوشش کی گئی ہیں، جس کا کوئی نہ کوئی سین آپ کو ضرور پسند آئے گا۔
57 سالہ کنگ خان نے یہ بھی کہا کہ وہ فلم میں چھ یا سات سے زیادہ مختلف انداز میں نظر آئیں گے۔ فلم میں اپنے گنجے لُک پر انہوں نے کہا کہ یہ پہلا اور آخری موقع ہے جب آپ ہمیں گنجے کے کردار میں دیکھیں گے۔ اس لئے وقت نکال کر ضرور فلم دیکھ کر آئیں۔ انہوں نے مزید کہا کہ پہلی بار ہے جب میں گنجا ہوا ہوں۔ اب میں آپ سب کے لئے گنجا بھی ہو گیا ہوں تو اس کی عزت کے لیے چلے جانا، کیا پتہ پھر موقع ملے نہ ملے مجھے دوبارا گنجا دیکھنے کا۔