کولگام میں سی آر پی ایف کی جانب سے تلاشی کارروائی

جموں و کشمیر کے ضلع کولگام کے مین ٹاؤن میں سی آر پی ایف کی جانب سے تلاشی مہم چلائی گئی۔ سی آر پی ایف کی 18 ویں بٹالین کو ملی اطلاع پر قصبہ میں تلاشی مہم چلائی گئی۔

اطلاع کے مطابق سی آر پی ایف کی 18 ویں بٹالین نے قصبہ کے مختلف مقامات پر سرچ آپریش کیا۔ سرچ آپریش میں دُکانوں کے باہر اور قصبے میں موجودہ گاڑیوں کی تلاشی لی گئی۔

ضلع میں کورونا وائرس کے خدشات کے پیش نظر لاک ڈاون کا اثر رہا اور لوگوں نے بھی مکمل لاک ڈاون میں تعاون کیا۔ گزشتہ دنوں کولگام کے تاشلو علاقے میں سکیورٹی فورسز نے ایک آئی ای ڈی کو ناکارہ بنایا تھا۔

اسی سبب کولگام میں سی آر پی ایف کی جانب سے قصبہ کے مختلف مقامات پر سرچ آپریشن کیا گیا۔ اس کے علاوہ قصبہ کے مین ٹاؤن میں بھی ایک اسپیشل آپریشن کیا گیا اور بڑے پیمانے پر تلاشی کارروائی کی گئی۔

وہیں قصبہ میں مکمل لاک ڈاؤن نافذ رہا اور لاؤڈ اسپیکر کے ذریعہ علاقہ کے عوام سے گھروں تک ہی محدود رہنے کی اپیل کی گئی۔