Shahnawaz Hussain's plea Dismissed شہنواز حسین کے خلاف جنسی زیادتی کے الزام میں درج کی جائیگی ایف آئی آر

سپریم کورٹ نے بی جے پی رہنما شاہنواز حسین کو جھٹکا دیا ہے، جنسی زیادتی کے الزام میں ان کے خلاف مقدمہ درج کیا جائے گا۔ دراصل سپریم کورٹ نے حسین کی اُس درخواست کو خارج کر دیا ہے، جس میں انہوں نے دہلی ہائی کورٹ کے حکم کو چیلنج کیا تھا۔SC on Shahnawaz Hussain’s plea against HC order for FIR over alleged rape

نئی دہلی: سپریم کورٹ نے سوموار کو بی جے پی رہنما اور سابق مرکزی وزیر سید شاہنواز حسین کی ایک درخواست کو خارج کر دیا جس میں ایک خاتون کی عصمت دری کے الزام کے سلسلے میں ان کے خلاف ایف آئی آر درج کرنے کے دہلی ہائی کورٹ کے حکم کو چیلنج کیا گیا تھا۔ جسٹس ایس رویندر بھٹ اور دیپانکر دتا کی بنچ نے حسین کی طرف سے پیش ہونے والے وکیل سے کہا، "آئیے ایک منصفانہ تحقیقات کریں اور اگر الزام ثابت نہیں ہوا تو پھر شہنواز کو بری کردیا جائیگا۔

شہنواز حسین کی طرف سے پیش ہونے والے سینئر ایڈوکیٹ مکل روہتگی اور سدھارتھ لوتھرا نے بنچ کو بتایا کہ شکایت کنندہ خاتون کی جانب سے سیاستدان کے خلاف شکایات درج کرائی گئی تھی۔ روہتگی نے دلیل دی شکایات کے بعد پولیس نے اس معاملہ کی چھان بین کی تاہم انہیں کچھ نہیں ملا۔ روہتگی نے یہ دلیل دی شہنواز حسین کے خلاف مسلسل الزام عائد کیا جارہا تھا۔ تاہم بنچ نے کہا کہ ہمیں اس معاملہ مداخلت کرنے کی کوئی وجہ نہیں ملتی ہے۔

ہائی کورٹ نے گزشتہ سال 17 اگست کو شہنواز حسین کی اس درخواست کو خارج کر دیا تھا جس میں ٹرائل کورٹ کے اس حکم کو چیلنج کیا گیا تھا جس میں دہلی پولیس کو ان کے خلاف ایف آئی آر درج کرنے کی ہدایت دی گئی تھی، سپریم کورٹ نے 22 اگست 2022 کو ہائی کورٹ کے حکم کی کارروائی پر روک لگا دی تھی۔ عدالت عظمیٰ کے سامنے اس معاملے کی ابتدائی سماعت کے دوران حسین کے وکیل نے دلیل دی تھی کہ شکایت "بوگس" اور "بد نیتی پر مبنی" تھی۔

2018 میں دہلی میں مقیم ایک خاتون نے حسین کے خلاف مبینہ عصمت دری کے الزام میں ایف آئی آر کے اندراج کے لیے ایک نچلی عدالت سے رجوع کیا تھا، جسے بی جے پی رہنما نے مسترد کر دیا تھا۔ ایک مجسٹریل عدالت نے 7 جولائی 2018 کو حسین کے خلاف ایف آئی آر کے اندراج کا حکم دیا تھا، یہ کہتے ہوئے کہ شکایت میں قابل سزا جرم بنایا گیا ہے۔ اسے بی جے پی لیڈر نے سیشن کورٹ کے سامنے چیلنج کیا تھا جس نے ان کی عرضی کو خارج کر دیا تھا-

حسین کی اپیل پر اپنے حکم میں ہائی کورٹ نے کہا تھا "موجودہ درخواست میں کوئی میرٹ نہیں ہے اس لئے درخواست کو خارج کر دیا جاتا ہے، عبوری احکامات (حسین کے خلاف کارروائی پر روک لگانے کے) خالی ہیں، ایف آئی آر فوری درج کی جائے، تحقیقات کی جائیں، اور سیکشن 173 سی آر پی سی کے تحت ایک تفصیلی رپورٹ تین ماہ کے اندر میٹرو پولیٹن مجسٹریٹ کے سامنے پیش کی جائے گی۔

ہائی کورٹ نے یہ بھی نوٹ کیا تھا کہ جب پولیس کی اسٹیٹس رپورٹ میں چار مواقع پر پراسیکیوٹر کے بیان کی ریکارڈنگ کا حوالہ دیا گیا تھا، اس میں کوئی وضاحت نہیں تھی کہ ایف آئی آر کیوں درج نہیں کی گئی۔

مزید پڑھیں:Supreme Court on Shahnawaz Hussain شاہنواز حسین کے خلاف جنسی زیادتی کا مقدمہ درج کرنے کے حکم پر سپریم کورٹ کی روک