سماجوادی پارٹی کے وفد کی مولانا کلیم صدیقی کے فرزند سے ملاقات

اترپردیش میں ضلع مظفرنگر کے گاؤں پھلت میں سماجوادی پارٹی کے قومی صدر اکھیلیش یادو کی ہدایت پر پارٹی کے ایک وفد نے مولانا کلیم صدیقی کے فرزند احمد سے ملاقات کی۔

سماجوادی پارٹی کے وفد نے مولانا کلیم صدیقی کے فرزند سے ملاقات کی اور انہیں یہ یقین دہانی کرائی کی اس مشکل گھڑی میں پارٹی ان کے ساتھ کندھے سے کندھا ملا کر کھڑی ہے۔ سماجوادی پارٹی قانون کے دائرے میں رہ کر آپ کی ہرممکن مدد کرے گی۔

مظفرنگر سماجوادی پارٹی کے ضلعی صدر پرمود تیاگی، مہانگر صدر علیم صدیقی اور دیگر پارٹی رہنماؤں نے اس موقع پر کہا کہ مولانا کلیم صدیقی کی گرفتاری میں اے ٹی ایس نے جلد بازی سے کام لیا ہے جبکہ ہمیں امید ہے کہ مولانا بہت جلد باعزت بری ہوں گے۔ وفد نے مولانا کے فرزند کو اس نازک گھڑی میں صبر سے کام لینے کا مشورہ دیا۔