نائجیریا: سڑک حادثے میں 21 لوگوں کی موت

نائجیریا کی شمالی ریاست جیگاوا میں ایک بس اور ٹرک ٹوٹے ہوئے کلورٹ پر گرگئی جس کے سبب کم از کم 21 افراد ہلاک ہوگئے ہیں۔

پولیس کے ترجمان لوان شیسو نے بتایا کہ یہ حادثہ اتوار کو ریاست کے گوارم علاقے کے رادابی گاؤں کے قریب اس وقت پیش آیا جب دونوں گاڑیاں سیلاب کے پانی سے ڈھکے ہوئے ٹوٹے ہوئے کلورٹ پر گرگئیں۔ انہوں نے کہا کہ آج صبح 6 بجے ہمیں رادابی گاؤں سے فون آیا کہ گوارم۔ بسرکا روڈ پر ایک سڑک حادثہ پیش آیا ہے۔

انہوں نے کہا کہ وہاں کے ایک مقامی ڈاکٹر نے حادثے میں 21 مسافروں کی ہلاکت کی تصدیق کی ہے جو کہ واقعہ کے بعد موقع پر پہنچ گئے تھے۔ اس حادثے میں ایک مسافر بچ گیا ہے۔

انہوں نے کہا کہ پولیس معاملے کی جانچ کررہی ہے۔

(یو این آئی)