اوریا،اترپردیش: انعامی بدمعاش گرفتار

پولیس ترجمان نے بتایا کہ ایس پی اپرنا گوتم کی ہدایت پرضلع میں جرائم اور جرائم پیشہ افراد کے خلاف چلائی جارہی خصوصی مہم کے ضمن میں اتوار کی رات اطلاع ملنے پر پولیس نے 25ہزارروپئے کے انعامی بدمعاش شیوم یادو عرف مامو کو گرین ویلی اسکول کے نزدیک سے گھیرا بندی کر کے گرفتار کرلیا۔

اترپردیش کے ضلع اوریا میں پولیس نے دبیا پور علاقے میں مطلوب 25ہزار روپئے کے انعامی بدمعاش گینگسٹر کو گرفتار کر کے آج جیل بھیج دیا ہے۔

پولیس ترجمان نے بتایا کہ ایس پی اپرنا گوتم کی ہدایت پر ضلع میں جرائم اور جرائم پیشہ افراد کے خلاف چلائی جارہی خصوصی مہم کے ضمن میں اتوار کی رات اطلاع ملنے پر پولیس نے 25ہزارروپئے کے انعامی بدمعاش شیوم یادو عرف مامو کو گرین ویلی اسکول کے نزدیک سے گھیرا بندی کر کے گرفتار کرلیا۔

انہوں نے بتایا کہ گرفتار ملزم ککریا گاؤں کا رہنے والا ہے۔ اس کے قبضے سے برآمد کار کے دستاویزات بھی نہیں ملے ہیں۔

گرفتار شیوم یادو پر کئی مجرمانہ مقدمے درج ہیں۔ پولیس کافی وقت سے اس کی تلاش میں تھی اور اس کی گرفتاری پر 25ہزار روپئے کے انعام کا اعلان کیا تھا۔

یو این آئی