اسلامی نکتہ نظر سے رمضان المبارک کا مہینہ بہت کی مبارک و محترم مہینہ ہے جو اپنے دامن میں لا محدود مغفرت اور بخشش کا سامان لیے آتی ہے، اس پورے مہینے کی جس نے قدر کی، روزہ کا اہتمام دلجمعی سے کیا، نماز تراویح مکمل کی، تہجد کا اہتمام کیا، غرباء و مساکین کا خیال رکھا، اپنے روزہ کی حفاظت کی، ایسے لوگوں کے بارے میں اللہ تعالیٰ فرماتا ہے کہ روزہ کا بدلہ میں خود ہوں، اور جس کا اللہ خود ہو جائے پھر اسے کس چیز کی کمی ہے، ہماری پوری کوشش ہونی چاہیے کہ اس مہینے میں خوب عبادت کر کے اللہ کو راضی کرنے والے بن جائیں۔ Ramadan is a Month of Patience
مذکورہ باتیں امارت شرعیہ پھلواری شریف پٹنہ کے نائب ناظم و درجنوں کتاب کے مصنف حضرت مولانا مفتی ثناء الہدی قاسمی نے رمضان المبارک کے کی اہمیت و افادیت کے تعلق سے ای ٹی وی بھارت سے خصوصی بات چیت میں کہی۔ انہوں نے کہاکہ' رمضان صبر اور غمخواری کا مہینہ ہے، اس مبارک مہینہ میں جس کسی نے روزے دار کو ایک کھجور یا ایک گلاس لسی سے افطار کرایا اس کے لیے گناہوں سے بخشش، جہنم سے آزادی اور روزے دار کے برابر ثواب ملتا ہے، کہا گیا ہے جو شخص ایمان و احتساب کے ساتھ روزہ کی ادائیگی کرتا ہے وہ سب سے افضل ہے۔' مفتی ثناء الہدی قاسمی نے مزید کہاکہ عام طور سے لوگ تراویح کی نماز میں غفلت کرتے ہیں، یہ بالکل بھی صحیح نہیں، کیونکہ روزہ فرض اور تراویح سنت موکدہ ہے، اسے پڑھنے کی تاکید آئی ہے۔ نماز تراویح صرف رمضان کی نماز ہے اس کے علاوہ تراویح پورے سال نہیں پڑھی جاتی۔ اسی طرح اس مہینے میں خاص طور سے اپنے پڑوسیوں اور گاؤں علاقوں کے ضرورت مندوں کا خیال رکھنا چاہیے جس کی خاموش نظر آپ کی طرف دیکھ رہی ہوتی ہے۔ رمضان المبارک کے مہینے میں جو بھی امداد کریں خاموشی سے تاکہ ضرورت مندوں کو بھی ناگواری کا احساس نہ ہو اس طرح سے دونوں کا کام بن جائے۔'
اس سلسلے میں بات کرتے ہوئے دارالعلوم کے دیوبند کے مبلغ مولانا سید راشد علی نے کہاکہ رمضان رحمتوں، برکتوں اور غم خواری کا مہینہ ہے، غریبوں کے ساتھ ہمدری اور محبت کا معاملہ کریں اور غریبوں کا خصوصی دھیان رکھیں۔ انہوں نے کہاکہ نبی اکرام صلی اللہ کا ارشا ہے کہ اگر کسی نے کسی شخص کو افطار کرایا تو اس کو روزہ درار کے برابر ثواب دیا جاتاہے۔ انہوں نے کہاکہ پیارے نبی نے کہاکہ' ایک کھجور اور تھوڑے شربت سے روزہ افطار کرانے سے بھی بڑا ثواب ہے۔ انہوں نے کہاکہ رمضان میں صدقہ خیرات کریں، اس مبارک مہینہ میں زیادہ سے زیادہ صدقہ خیرات کرنا چاہیے'۔
مزید پڑھیں:
