راہل ۔ پرینکا نے ملکھا سنگھ کی موت پر غم کا اظہار کیا

کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی واڈرا نے مشہور رنر ملکھا سنگھ کی موت پر گہرے رنج و غم کا اظہار کیا ہے۔

راہل گاندھی نے اپنے تعزیتی پیغام میں کہا کہ 'ملکھا سنگھ جی نہ صرف ایک اسپورٹس اسٹار تھے بلکہ اپنے سادے اخلاق کی وجہ سے لاکھوں بھارتیوں کے لئے تحریک کا سرچشمہ بھی تھے۔ ان کے سوگوار کنبے اور دوستوں سے میری تعزیت۔'

ٹویٹ

پرینکا واڈرا نے کہا کہ 'ملک میں جب بھی رنرز کی کہانیاں سنائی جائیں گی، تب ایسے شخص کا نام ضرور آئے گا، جس نے دوڑ کے میدان میں ملک اور کروڑوں بھارتی نوجوانوں کو ایک نئی بلندی دی ہے۔ ملکھا سنگھ جی کو دل کی گہرائیوں سے خراج عقیدت۔'

ٹویٹ

غور طلب ہے کہ فلائنگ سکھ Flying Sikh کے نام سے مشہور ملکھا سنگھ Milkha Singh ایک ماہ تک کورونا انفیکشن corona infection سے لڑنے کے بعد جمعہ کے روز انتقال کرگئے۔ اس سے قبل ان کی اہلیہ اور بھارتی والی بال ٹیم کی سابق کپتان نرمل کور کی بھی کورونا انفیکشن کے باعث موت ہوگئی تھی۔

ملکھا سنگھ کی آخری رسومات آج شام 5 بجے چندی گڑھ کے سیکٹر 25 میں واقع شمشان گھاٹ میں ادا کی جائے گی۔