Rahul Gandhi US Visit راہل گاندھی دس روزہ امریکی دورہ کے لیے آج روانہ ہوں گے

راہل گاندھی آج امریکہ کے لیے روانہ ہوں گے۔ اس سال کے اوائل میں مارچ میں ان کا دورہ لندن کافی سرخیوں میں رہا تھا۔ ادھرانڈین اوورسیز کانگریس (IOC) کے کارکنان کانگریس رہنما راہل گاندھی کے امریکہ میں زبردست استقبال کا منصوبہ بنا رہے ہیں۔

دہلی:کانگریس پارٹی کے سابق صدر راہل اتوار کو اپنے امریکی دورے پر روانہ ہوں گے۔ وہ اسٹینفورڈ یونیورسٹی میں ایک پروگرام میں شرکت کریں گے اور 29-30 مئی تک ہندوستانی تارکین وطن سے ملاقات کریں گے۔راہل گاندھی 30 مئی کو کیلیفورنیا کے سانتا کلارا میں محبت کی دکان لگائیں گے۔ راہل گاندھی کے پروگرام کو محبت کی دُکان کا نام دیا گیا ہے۔ اس کا پوسٹر بھی جاری کر دیا گیا ہے۔

انڈین اوورسیز کانگریس کے سکریٹری وریندر وششٹھ نے بتایا کہ سیم پتروڈا کی قیادت میں، ہم انڈین اوورسیز کانگریس کے کارکنان امریکہ میں ہمارے پیارے لیڈر راہول گاندھی کے زبردست استقبال کی منصوبہ بندی کر رہے ہیں، آئی او سی کے یو ایس اے ونگ کے صدر موہندر سنگھ گلزیان اور جارج ابراہیم آئی او سی ٹیم کے ساتھ ہندوستانی تارکین وطن کو بھی تحریک دے رہے ہیں۔

راہل گاندھی کا یہ دورہ وزیر اعظم نریندر مودی کے ریاستی دورہ امریکہ سے پہلے ہو رہا ہے۔ پی ایم مودی 22 جون کو امریکہ کے دورے پر جا رہے ہیں۔ اس دوران امریکی صدر جو بائیڈن اور خاتون اول جِل بائیڈن نے پی ایم مودی کے استقبال کے لیے وائٹ ہاؤس ڈنر کا اہتمام کیا۔ وزارت خارجہ نے گزشتہ ہفتے ایک بیان جاری کرکے اس کی جانکاری دی تھی۔

اس سے پہلے اس سال مارچ میں راہل گاندھی کا دورہ لندن سرخیوں میں رہا تھا۔ کیمبرج یونیورسٹی میں راہل گاندھی حکومت ہند پر تنقید کرنے اور ملک میں جمہوریت کو لاحق خطرے کا ذکر کرنے پر تنقید کا نشانہ بنے۔ کیمبرج یونیورسٹی میں خطاب کرتے ہوئے راہل گاندھی نے کہا تھا کہ سب جانتے ہیں کہ ہندوستانی جمہوریت دباؤ میں ہے اور حملے کی زد میں ہے۔ میں ہندوستان میں اپوزیشن لیڈر ہوں، ہم اس (اپوزیشن) کی جگہ تلاش کر رہے ہیں۔

راہل گاندھی نے لندن میں کہا تھا کہ ہمارے ملک میں پچھلے نو سالوں سے عوام کی آواز یعنی میڈیا کو دبایا جا رہا ہے۔ ہمارے ملک میں صحافیوں کو ڈرایا جاتا ہے۔ ان پر حملے اور دھمکیاں دی جاتی ہیں۔ ساتھ ہی حکومت کے بارے میں بات کرنے والے صحافیوں کو ایوارڈ سے نوازا جاتا ہے۔ راہل گاندھی کے بیان پر جو اس وقت رکن پارلیمنٹ تھے، بی جے پی نے ان پر شدید حملہ کیا۔ بی جے پی صدر جے پی نڈا نے الزام لگایا کہ راہول گاندھی بھارت مخالف ٹول کٹ کا حصہ ہیں۔ بی جے پی نے پارلیمنٹ میں راہول گاندھی سے معافی مانگنے کا مطالبہ کیا تھا۔