پٹرول کی قیمتوں میں اضافے پر راہل گاندھی کی مرکز پر تنقید

پٹرول، ڈیزل کی قیمتوں اور ٹرین کرایوں میں اضافے پر مرکز کو تنقید کا نشانہ بناتے ہوئے کانگریس رہنما راہل گاندھی نے اس صورتحال کو لوگوں کے لئے ’تباہی‘ اور حکومت کے لئے ایک ’موقع‘ قرار دیا۔

مسافر ٹرینوں کا کرایہ دوگنا کر دیے جانے سے متعلق ایک اخباری مضمون کو شیئر کرتے ہوئے کانگریس رہنما نے کہا: ’’کورونا تباہی آپ کے لیے، حکومت کے لئے موقع۔‘‘

انہوں نے ٹویٹ کیا: ’’پیٹرول - ڈیزل - گیس ٹرین کرایہ، درمیانہ طبقے (Middle class) کو بری طرح پھنسایا، لوٹ نے توڑی جملوں کی مایا۔‘‘

پٹرول اور ڈیزل کی قیمتوں میں 10 دنوں سے زیادہ عرصے سے مسلسل اضافہ ہورہا ہے اور کچھ ریاستوں میں پیٹرول کی قیمت 100 روپے کو بھی عبور کرچکی ہے۔

ڈیزل اور پیٹرول کی قیمتوں میں اضافے پر حزب اختلاف جماعتیں ملک کے مختلف حصوں میں احتجاجی مظاہرے کر رہی ہیں۔