میرٹھ: زرعی قوانین اور مہنگائی کے خلاف وکلاء کا احتجاج

زراعی قوانین کی مخالفت میں آج کسانوں کے بھارت بند کو کامیاب بنانے اور ملک میں بڑھتی مہنگائی کے خلاف میرٹھ میں انڈین لایر یونین کی جانب سے جلوس کا اہتمام کیا گیا تھا۔ جس میں کسانوں کے مطالبات اور مہنگائی پر لگام لگانے کے لئے ایک میمورنڈم یوپی گورنر کے نام پیش کیا گیا۔

میرٹھ میں ایک طرف جہاں مختلف کسان تنظیموں کی طرف سے بھارت بند کے دوران شہر میں مختلف مقامات پر کسانوں کا احتجاج دیکھنے کو ملا وہیں وکلاء کی جماعت انڈین لائر یونین کے کارکنان نے بھارت کو اپنا تعاون دینے کے ساتھ ملک میں بڑھتی مہنگائی کے خلاف احتجاجی مارچ نکالا اور میرٹھ ڈی ایم کے ذریعے ایک میمورنڈم یوپی گورنر کے نام پیش کیا جس میں مہنگائی کو کم کرنے کا مطالبہ کیا گیا۔

زرعی قوانین اورمہنگائی کے خلاف وکلا کا احتجاج

میرٹھ میں بھارت بند سے جہاں کسان زرعی قوانین کو ختم کرنے کا مطالبہ کررہے ہیں وہیں ملک میں بے لگام مہنگائی سے عوام کو مشکل حالات کا سامنا کرنا پڑرہا ہے۔ ایسے میں حکومت کو اب کسانوں کے علاوہ وکلاء کی ناراضگی کو کم کرنے اور زراعی قوانین سے متعلق مثبت قدم اٹھانے کی ضرورت ہے۔