وزیراعظم مودی نے'من کی بات' کے لیے لوگوں سے تجاویز طلب کیں

من کی بات کو رواں ماہ 26 ستمبر کو نشر کیا جائے گا اور یہ پروگرام کی 81ویں قسط ہوگی۔

وزیر اعظم نریندر مودی نے لوگوں سے اپنے ریڈیو پروگرام من کی بات کے لیے تجاویز دینے کے لئے خواہش کا اظہار کیا ہے۔ من کی بات کو رواں ماہ 26 ستمبر کو نشر کیا جائے گا اور یہ پروگرام کی 81ویں قسط ہوگی۔

’من کی بات‘ کے آئیڈیاز نمو ایپ اور مائی گو ایپ پر درج کیے جاسکتے ہیں۔ اس کے علاوہ ٹیلی فون نمبر 1800117800 پر بھی یہ پیغام ریکارڈ کیا جا سکتا ہے۔

ایک ٹویٹ میں ، وزیر اعظم نے جمعرات کو کہا ’’اس ماہ کی من کی بات کے لیے بہت سی دلچسپ تجاویز موصول ہورہی ہیں، جس کی نشریات 26 تاریخ کوہونی ہے۔ نمو ایپ اور مائی گو ایپ پر اپنے خیالات شیئر کرتے رہیں یا 1800117800 پر اپنا پیغام ریکارڈ کرائیں۔

واضح رہے کہ ہر مہینے کے آخری اتوار کو وزیر اعظم من کی بات پروگرام میں اپنے خیالات لوگوں کے ساتھ شیئر کرتے ہیں۔

یو این آئی