صدر اور وزیراعظم کی رام نومی پر نیک خواہشات

صدر جمہوریہ رام ناتھ کووند اور وزیر اعظم نریندر مودی نے بدھ کے روز ملک کے عوام کو رام نومی کی نیک خواہشات پیش کیں اور کورونا وبا کو شکست دینے کے عزم پر زور دیا۔

رام ناتھ کووند نے اپنے ٹویٹ میں کہا ’’رام نومی کے مبارک موقع پر ملک کی عوام کو دل کی گہرائیوں سے مبارکباد۔ مریادہ پروشوتم رام کے یوم پیدائش پر منایا جانے والا یہ تہوار، ہمیں زندگی میں مریادہ پر عمل کرنے کی ترغیب دیتا ہے‘‘۔

ٹویٹ

انہوں نے مزید کہا ’’آئیے ہم سب یہ عہد کریں کہ ہم کووڈ 19 کی وبا کو اتحاد اور تحمل کے ساتھ شکست دیں گے‘‘۔

وزیراعظم مودی نے کورونا وبا کے بحران کے دور میں مریادہ پُروشوتم رام کے پیغام کا ذکر کرتے ہوئے وبا سے بچنے کی کوششوں پر عمل کرنے کی اپیل کی۔

ٹویٹ

وزیر اعظم نے ٹویٹ کیا ’’آج رام نومی ہے اور مریادہ پروشوتم شری رام کا ہم سب کے لئے پیغام یہی پیغام ہے کہ مریاداؤں پر عمل کریں‘‘۔

انہوں نے کہا ’’کورونا کے اس بحران میں کورونا سے بچنے کے لئے جو بھی کوششیں ہیں ان پر عمل کریں اور ان کی پیروی کیجئے۔ ’دوائی بھی ، کڑائی بھی‘ کے منتر کو یاد رکھیں‘‘۔

یو این آئی