پٹنہ:انتخابی پالیسی ساز پرشانت کشور نے کہا کہ فی الحال میں کوئی سیاسی پارٹی نہیں بنانے جا رہا ہوں بلکہ 17 ہزار لوگوں سے بات کروں گا۔' اگر بعد کی صورت حال کوئی پارٹی بنانے کے لیے سازگار ہوگی تو پارٹی بنانے پر غور کیا جائے گا۔ فی الحال بہار کی حالت اور سمت بدلنے کی ضرورت ہے۔ اس کے لیے وہ ریاست میں پیدل مارچ کریں گے، جس کے دوران وہ 3 سے 4 ماہ میں 17 ہزار لوگوں سے ملاقات کریں گے۔ پرشانت کشور نے 2 اکتوبر سے بہار میں 3000 کلومیٹر کی 'پیدل مارچ' کا اعلان کیا۔ یہ مغربی چمپارن سے شروع ہوگا۔ انہوں نے کہا کہ بہار میں فی الحال الیکشن نہیں ہے۔ اس لیے اب پارٹی بنانے کی کوئی بات نہیں ہوگی۔ میں اگلے تین چار سال بہار کے لوگوں تک پہنچنے میں گزاروں گا۔' Prashant Kishore's Press Conference In Patna
پرشانت کشور نے کہا کہ 'آنے والے 10-15 سال اور ان میں اگر بہار کو لیڈنگ کے زمرے میں آنا ہے تو بہار جن راستوں پر چل رہا ہے وہ ان پر چل کر نہیں پہنچ سکتا۔ اس کے لیے نئی سوچ اور نئی کوششوں کی ضرورت ہے۔ کوئی بھی یہ دعویٰ نہیں کر سکتا کہ صرف ایک ہی شخص میں نئی چیزوں کو سوچنے اور آزمانے کی صلاحیت ہے۔ جب تک بہار کے لوگ اس سوچ کو پس پشت نہیں ڈالتے تب تک بہار کی حالت نہیں سدھر سکتی۔ 'اگر ہم پارٹی بناتے ہیں تو یہ اکیلے پی کے کی پارٹی نہیں ہوگی'۔ Prashant Kishor to undertake padyatra in Bihar
پی کے نے کہا کہ جو لوگ بہار بدلنا چاہتے ہیں، وہ آگے آئیں۔ میں کوئی سیاسی جماعت نہیں بنا رہا، اس لیے کوئی اعلان نہیں کر رہا۔ پرشانت کشور نے کہا کہ وزیر اعلیٰ بننا یا بنانا کسی کے لیے انتخابی عمل ہے، لیکن میں یہ یقین سے کہہ سکتا ہوں کہ اگر ہم پارٹی بناتے ہیں تو یہ اکیلے پرشانت کشور کی پارٹی نہیں ہوگی، یہ ان لوگوں کی پارٹی بھی ہوگی، جو ایک ساتھ شامل ہو جائیں گے۔ پرشانت کشور نے کہا کہ بہار سے اس مہم کو شروع کرنے کا مقصد یہ ہے کہ بہار کی تاریخ سب سے شاندار رہی ہے۔