وزیر اعظم نریندر مودی نے ملک کے 75 ویں یوم آزادی کے موقع پر اتوار کو لال قلعے کی فصیل پر قومی پرچم لہرایا اور قومی پرچم لہرانے سے پہلے پی ایم مودی کو گارڈ آف آنر دیا گیا۔
پی ایم مودی نے تمام اہل وطن کو یوم آزادی پر لال قلعے کی فصیل سے مبارکباد بھی پیش کی اور تالیاں بجا کر اولمپک میں تمغہ جیتنے والوں کھلاڑیوں کا استقبال بھی کیا۔
کورونا وائرس کے بارے میں پی ایم مودی نے کہا کہ ملک کورونا واریئرز کا شکر گزار رہے گا۔ وزیر اعظم نے کہا کہ ہندوستان کورونا ویکسین کے لیے کسی دوسرے ملک پر منحصر نہیں ہے۔
پی ایم مودی نے کہا کہ یہ ہندوستان کا امرت مہوتسو ہے۔ ملک کو نئے خیالات کے ساتھ آگے بڑھنا ہے اور اگلے 25 سال نیو انڈیا کے ہیں۔ پی ایم مودی نے کہا کہ ہمارے پاس کھونے کے لیے کچھ نہیں ہے۔ یہ نیا ہندوستان بنانے کا امرت دور ہے۔ پی ایم مودی نے سب کا ساتھ، سبکا وکاس اور سبکا وشواس کا نعرہ دیا۔
یہ بھی پڑھیں: وزیراعظم نے 75 ویں یوم آزادی پر اہل وطن کو مبارکباد دی
پی ایم مودی نے تمام سرکاری اسکیموں سے ملک کے ہر ضرورت مند کو فائدہ دینے کی بات کی۔ پی ایم مودی نے کہا کہ 100 فیصد بیت الخلاء کا ہدف تک پہنچنا ہے۔ ہمارا مقصد آخری لائن میں کھڑے ہر ایک شخص تک پہنچنا ہے۔
انھوں نے مزید کہا کہ کرپشن کو جڑ سے اکھاڑ پھینکنا ہوگا۔ غریب کو غذائیت سے بھرپور چاول ملے گا۔ کوئی بھی 100 فیصد ہدف سے محروم نہیں رہے گا۔ گاؤں سے گاؤں تک معیاری خدمات فراہم کریں گے۔