Taliban Takeover: پی ایم مودی کی صدارت میں افغانستان پر اعلیٰ سطح کا اجلاس

وزیر اعظم نریندر مودی، راج ناتھ سنگھ، وزیر داخلہ امت شاہ اور این ایس اے اجیت ڈوبھال بھی افغانستان کی صورتحال پر اجلاس میں شامل ہوئے۔

وزیراعظم نریند ر مودی نے افغانستان کے دارالحکومت کابل پر طالبان کا قبضہ ہونے کے بعد صورتحال کا جائزہ لینے کے لیے منگل کے روز یہاں ایک اعلیٰ سطحی میٹنگ کی صدارت کی۔

سات لوک کلیان مارگ پر واقع وزیر اعظم کی رہائش گاہ پر بلائی گئی سکیورٹی امور کی کابینی کمیٹی کی میٹنگ میں وزیر دفاع راجناتھ سنگھ، وزیر داخلہ امت شاہ، وزیر خارجہ ایس جے شنکر اور وزیر خزانہ نرملا سیتا رمن نے بھی شرکت کی۔

قومی سلامتی کے مشیر (این ایس اے) اجیت ڈوبھال، خارجہ سکریٹری ہرش وردھن شرنگلا اور افغانستان میں ہندوستان کے سفیر رودریندر ٹنڈن بھی میٹنگ میں موجود تھے۔ ٹنڈن آج ہی افغانستان سے ہندوستان واپس ہوئے ہیں۔

سکیورٹی کی تشویش کے درمیان حکومت نے کہا ہے کہ وہ مسلسل واقعات پر نظر رکھے ہوئے ہے۔

یو این آئی