ویکسین کے ساتھ احتیاط بھی برتیں: وزیر اعظم مودی

وزیراعظم نریندر نے ملک کے عوام سے کورونا ویکسین کا ٹیکہ لینے کی اپیل کرتے ہوئے کہا ہے کہ اس کے ساتھ ساتھ کووڈ-19 کے ضابطوں پر سختی سے عمل کیا جانا چاہئے۔

وزیر اعظم مودی نے اتوار کو آکاشوانی پر اپنے ماہانہ پروگرام 'من کی بات' کے 75ویں ایڈیشن میں ملک کے عوام سے خطاب کرتے ہوئے کہا کہ کووڈ-19 کی وبا سے نمٹنے کےلئے کورونا ویکسین کا طویل عرصے سے انتظار تھا۔

ملک میں کووڈ-19 کا ٹیکہ لگانے کی مہم چل رہی ہے جو دنیا میں سب سے بڑی ہے۔ انہوں نے کہا کہ سبھی اہل افراد کو کورونا کا ٹیکہ لگوانا چاہئے۔

انہوں نے کہا کہ اس کے ساتھ ہی وبا سے نمٹنے کے ضابطوں جیسے ماسک پہننا، دو گز کی دوری رکھنا اور بار بار ہتھا دھونے پر عمل کرنا چاہئے۔

وزیر اعظم مودی نے کہا کہ، 'پچھلے سال یہ مارچ کا ہی مہینہ تھا ،ملک نے پہلی بارجنتا کرفیو لفظ سنا تھا۔ لیکن اس عظیم ملک کی عظمت عوام کی طاقت کا تجربہ دیکھئے، جنتا کرفیو پوری دنیا کے لئے حیرت کی بات بن گئی تھی۔ ڈسپلن کی یہ انوکھی مثال تھی، آنے والی نسلیں اس بات پر ضرور فخر کریں گی۔'

انہوں نے کہا، 'کورونا سپاہیوں کے تئیں عزت و احترام ،تھالی بجانا،تالی بجانا،دیا جلانا۔ آپ کو اندازہ نہیں ہے کہ کورونا سپاہیوں کے دل کو کتنا چھو گیا تھا اور وہی تو وجہ ہے،جو پورے سال بھر،وہ بغیر رکے،تھکے ،ڈٹے رہے۔ ملک کے ایک ایک شہری کی جان بچانے کےلئے جی جان سے لگے رہے۔'

وزیر اعظم مودی نے کہا کہ آج بھارت، دنیا کی سب سے بڑی ٹیکہ کاری مہم چلا رہا ہے۔ انہوں نے بھونیشور کی پشپا شکلا، اتر پردیش کے جونپور میں 109 سال کی بزرگ ماں،رام دولئیا، دہلی میں بھی 107 سال کے صرف کرشن اور حیدرآباد میں 100 سال کے جے چودھری کا ذکر کیا اور سبھی کو ٹیکہ ضرور لگوانا چاہئے۔

وزیراعظم نے کہا کہ کیرالہ سے ایک نوجوان آنندن نائر نے تو اسے ایک نیا لفظ دیا ہے- ’ویکسین سیوا‘ ایسے ہی پیغام دہلی سے شیوانی، ہماچل سے ہمانشو اور دوسرے کئی نوجوانوں نے بھی بھیجے ہیں۔

انہوں نے کہا، 'ان سب سے درمیان ،کورونا سے لڑائی کا منتر بھی ضرور یاد رکھئے’دوائی بھی - سختی بھی‘ اور صرف مجھے بولنا ہے۔ ایسا نہیں ،ہمیں جینا بھی ہے ،بولنا بھی ہے ۔بتانا بھی ہے اور لوگوں کو بھی،’دوائی بھی ،سختی بھی‘ اس کےلئے پرعزم بناتے رہنا ہے۔'

یواین آئی