ماسک کے بغیر لوگوں کو جرمانہ ہوگا: ڈی سی سرینگر

سرینگر کے ضلع مجسٹریٹ محمد اعجاز اسد نے کہا کہ شہر میں گذشتہ چند دنوں سے کووڈ-19 کیسز کی تعداد میں اضافہ ہورہا ہے۔ انہوں نے کہا کہ ماسک نہ پہننے والوں پر جرمانہ عائد کیا جائے گا۔

سرینگر میں ایک تقریب کے دوران اعجاز اسد نے کہا کہ طبی ماہرین کے مطابق سرینگر میں گزشتہ دنوں سے کیسز کی تعداد 35 سے 75 پینچ چکی ہے جس سے صاف ظاہر ہے کہ لوگ احتیاطی تدابیر پر سختی سے عمل نہیں کر رہے ہیں۔

ان کا کہنا تھا کہ کووڈ-19 کے پھیلاؤ کو روکنے کے لیے جاری کی گئی احتیاتی تدابیر پر عمل نہیں کیا جارہا ہے جس کے بعد انتظامیہ نے فیصلہ کیا ہے کہ سرکاری احکامات پر عمل نہ کرنے والوں پر جرمانہ عائد کیا جائے گا۔