اڈیشہ میں یکم جولائی تک جزوی لاک ڈاؤن نافذ

اڈیشہ حکومت نے بدھ کے روز ریاست میں یکم جولائی تک 14 دنوں کے جزوی لاک ڈاؤن کا اعلان کیا اور اے کٹیگری کے ان 17 اضلاع میں جہاں مثبت کیسز کی شرح پانچ فیصد سے کم ہو گئی، وہاں پابندیوں میں زیادہ رعایتیں دی ہیں۔

سرکاری اطلاعات کے مطابق نائٹ کرفیو شام چھ بجے سے صبح پانچ بجے تک نافذ رہے گا اور ہفتہ وار بند بھی یکم جولائی تک نافذ رہے گا۔

اڈیشہ میں یکم جولائی تک جزوی لاک ڈاؤن نافذ

ریاست کے چیف سکریٹری ایس سی مہاپاترا نے صحافیوں کو بتایا کہ ریاستی حکومت نے اضلاع کو اے اور بی کٹیگری میں تقسیم کیا ہے اور اسی کے مطابق لاک ڈاؤن کے دوران رعایتیں دی ہیں۔

انہوں نے بتایا کہ مغربی اور جنوبی اڈیشہ کے 17 اضلاع میں جہاں کورونا مثبت شرح پانچ فیصد سے کم ہو گئی ہے، انھیں کٹیگری اے میں رکھا گیا ہے اور لاک ڈاؤن کی مدت میں شام پانچ بجے سے صبح چھ بجے تک مزید رعایتیں دی جائیں گی۔