Dilip Kumars Death: پاکستانی وزیر اعظم عمران کا اظہار تعزیت

مایہ ناز اداکار دلیپ کمار کے انتقال پر پاکسان کے وزیر اعظم عمران خان رنج و غم کا اظہار کرتے ہوئے ان سے وابستہ اپنی یادوں کو تازہ کیا۔

دلیپ کمار کے انتقال پر ملکی و غیر ملکی شخصیات کی طرف سے اظہار تعزیت کا سلسلہ جاری ہے۔ اسی درمیان پاکستان کے وزیر اعظم اور سابق کرکٹر عمران خان نے بھی دلیپ کمار کی رحلت پر رنج و غم کا اظہار کیا۔

انہوں نے دلیپ کمار سے وابستہ اپنی یادوں کو تازہ کرتے ہوئے ٹویٹ کیا کہ شوکت خانم اسپتال کی تعمیر کے منصوبے کا آغاز کیا گیا تو عطیات جمع کرنے کے لیے دلیپ کمار نے نہایت سخاوت سے وقت دیا جسے میں کبھی فراموش نہیں کر سکتا۔

عمران خان نے مزید لکھا کہ یہ پہلے 10% عطیات جمع کرنےکا کٹھن مرحلہ تھا۔ چنانچہ لندن و پاکستان میں ان کی رونمائی یہ خطیر رقم جمع کرنےمیں معاون ثابت ہوئی۔

انہوں نے ایک دوسرے ٹویٹ میں لکھا کہ اس سب کے سوا، دلیپ کمار میری نسل کے لیے سب سے عظیم اور ہر فن مولا اداکار تھے۔