آکسیجن ایکسپریس ناسک پہنچی

بھارتی ریلوے کی پہلی 'آکسیجن ایکسپریس' ٹرین ہفتے کو لیکویڈ میڈیکل آکسیجن (ایل ایم او) سے بھرے چار ٹینکرز کے ساتھ اپنی آخری منزل ناسک اسٹیشن پر پہنچ گئی۔

آکسیجن ایکسپریس جمعرات کی رات کو وشاکھاپٹنم سے روانہ ہوئی اور ہفتے کو ناسک روڈ ریلوے اسٹیشن پر پہنچ گئی۔ مہاراشٹر میں کورونا مریضوں کی تعداد بہت تیزی سے بڑھ رہی ہے، خاص طور پر ممبئی، پونے، ناگپور اور اورنگ آباد میں زیادہ پریشانی ہے۔

آکسیجن ایکسپریس سب سے پہلے ناگپور میں رکی اور وہاں تین ٹینکر اتارے گئے اور آج ناسک میں دو اور احمد نگر ضلع کے لئے دو دو ٹینکر اتارے گئے۔

واضح رہے کہ ملک بھر میں کورونا وائرس کے مریضوں کی تعداد میں تیزی سے اضافہ ہو رہا ہے اور آکسیجن کی قلت کے بعد مریضوں کی موت ہورہی ہے۔