The Kashmir Files: مسلم ممالک میں روزی روٹی کمانے والے ہندوؤں کا کبھی نہیں سوچا، دگ وجے سنگھ

اپنے سلسلہ وار ٹویٹس میں دگ وجے سنگھ نے کہا کہ جب کشمیری پنڈتوں کی مہاجرت ہوئی تو اس وقت کانگریس اپوزیشن میں تھی۔ وشوناتھ پرتاپ سنگھ کی جنتا دل حکومت کو بی جے پی کی حمایت حاصل تھی۔ مفتی محمد سعید صاحب وزیر داخلہ تھے۔ جگموہن گورنر تھے۔ پھر آپ کانگریس کو کیوں کوس رہے ہیں؟ Digvijay Singh Targets BJP Government

کانگریس کے سابق جنرل سکریٹری اور مدھیہ پردیش کے سابق وزیر اعلیٰ دگ وجے سنگھ نے آج فلم ’دی کشمیر فائلس‘ کے بہانے بھارتیہ جنتا پارٹی (بی جے پی) اور وزیر اعظم نریندر مودی کو ہدف تنقید بناتے ہوئے کہا کہ نفرت سے بدامنی پھیلتی ہے اور ہندو مسلم ممالک میں روزی روٹی کما رہے ہیں، کبھی ان کے بارے میں سوچا ہے کیا؟ Digvijay Singh Targets BJP Government

اپنے سلسلہ وار ٹویٹس میں مسٹر سنگھ نے کہا کہ جب کشمیری پنڈتوں کی مہاجرت ہوئی تو اس وقت کانگریس اپوزیشن میں تھی۔ وشوناتھ پرتاپ سنگھ کی جنتا دل حکومت کو بی جے پی کی حمایت حاصل تھی۔ مفتی محمد سعید صاحب وزیر داخلہ تھے۔ جگموہن گورنر تھے۔ پھر آپ کانگریس کو کیوں کوس رہے ہیں؟

بعد ازاں انہوں نے خود ہی جواب دیتے ہوئے کہا، ’کیونکہ بی جے پی اور وزیر اعظم مودی کانگریس سے ڈرتے ہیں۔ مقصد صرف اور صرف ملک میں نفرت پھیلا کر سیاسی روٹیاں سینکنا ہے۔ نفرت سے تشدد پنپتا ہے اور ملک میں بدامنی پھیلتی ہے۔ کیا آپ نے کبھی ان ہندوؤں کے بارے میں سوچا جو مسلم ممالک میں اپنی روزی روٹی کما رہے ہیں‘؟

یو این آئی