اطلاع کے مطابق یہ وائرل ویڈیو ریاست راجستھان کے ناگور ضلع کے مکرانا علاقے کا بتایا جارہا ہے۔ اس ویڈیو میں صاف طور پر نظرآرہا ہے کہ ایک شخص اپنی گاڑی لے کر جا رہا ہے۔ اس دوران چند لوگوں نے اس کی گاڑی روک لی اور اس کے ساتھ بدتمیزی کرتے ہوئے مار پیٹ شروع کر دی۔
مار پیٹ کے دوران کچھ لوگ اس شخص کے ساتھ گالی گلوج بھی کر رہے ہیں۔ وہیں وہ شخص ان تمام لوگوں سے ہاتھ جوڑ کر معافی مانگتا ہوا نظر آ رہا ہے، لیکن یہ لوگ اس کے ساتھ مارپیٹ کرتے جا رہے ہیں۔
ذرائع کے مطابق یہ ویڈیو سات سے آٹھ روز پرانا ہے۔
ہجومی تشدد کے اس معاملے کو لے کر ای ٹی وی بھارت کے نمائندے نے مکرانا پولیس تھانے کے انچارج روشن سنگھ سے بات کی۔ اس دوران انہوں نے بتایا کہ، 'جو ویڈیو سوشل میڈیا پر وائرل ہوا ہے وہ ویڈیو ہمارے ہی علاقے کا ہے، لیکن جس شخص کے ساتھ مارپیٹ ہو رہی ہے اس کی جانب سے ہمارے تھانے میں کوئی بھی رپورٹ درج نہیں کروائی گئی ہے۔'
انہوں نے بتایا کہ، 'ہم لوگوں کی جانب سے ہی اس پورے معاملے کو لے کر رپورٹ درج کی گئی جبکہ اس معاملہ کی تحقیقات کی جارہی ہے۔ '
مزید پڑھیں:
روشن سنگھ نے بتایا کہ، 'جس شخص کے ساتھ ویڈیو میں مارپیٹ ہو رہی ہے، اس کا کہنا ہے کہ میں کسی طرح سے کوئی بھی قانونی کارروائی نہیں چاہتا ہوں۔'
