اسکولی تعلیم میں بچوں کو واپس جوڑنے کے لیے مینجمنٹ پورٹل کا آغاز

مرکزی وزارت تعلیم کے محکمہ اسکول ایجوکیشن اینڈ لٹریسی نے جمعہ کے روز یہاں ایک ایسے مینیجمنٹ پورٹل کا آغاز کیا ہے جو کورونا وباکے سبب اسکولی تعلیمی سسٹم سے باہر ہوچکے بچوں کو واپس جوڑا جاسکے۔

مرکزی وزیر تعلیم ڈاکٹر رمیش پوکھریال 'نشنک' نے کہا کہ یہ اقدام حکومت ہند کی جامع تعلیم پالیسی کے تحت ہے۔ اس کے علاوہ، ہم نے رائٹ ٹو ایجوکیشن اور نئی نیشنل ایجوکیشن پالیسی میں بھی اس بات پر زور دیا ہے کہ جو بچے اسکولی تعلیمی سسٹم سے باہر ہو چکے ہیں ان کو مرکزی دھارے کے اسکولوں سے جوڑا جائے۔

انہوں نے کہا کہ 'مینجمنٹ پورٹل کے ذریعے ہم ایسے بچوں کا ڈیٹا بہتر طریقے سے اکٹھا کرسکیں گے اور بچوں کو اسکول کی تعلیم سے منسلک کرنے میں کامیاب ہوں گے'۔

اس کے علاوہ ہم نے پہلی مرتبہ 2021-22 سے 16 سے 18 سال تک کے معاشی طور پر کمزور طبقے کے بچوں کے لئے مالی اعانت کا بھی انتظام کیا ہے، تاکہ وہ بچے جو اس عمر میں اسکولی تعلیمی نظام سے ہٹ چکے ہیں، اپنی تعلیم مکمل کرنے کے لئے 'اوپن لرننگ' یا 'ڈسٹینس ایجوکیش' کے ذریعہ بھی تعلیم حاصل کرسکتے ہیں۔