International Women's Day عالمی یوم خواتین کے موقع پر خواتین انٹرپرنیورز کا اہم پیغام

عالمی یوم خواتین کے موقع پر مسلم انڈسٹریلسٹ اسوسی ایشن سے جڑی خواتین انٹرپرنیورز نے کہا کہ موجودہ دور میں خواتین نے یہ ثابت کر دیا ہے کہ وہ مردوں سے کسی بھی اعتبار سے کم نہیں، بلکہ کئی میدانوں میں زیادہ کامیاب نظر آتی ہیں۔

بنگلور: خواتین کا عالمی دن ہر سال 8 مارچ کو منایا جاتا یے۔ بلا شبہ خواتین معاشرے کا ایک اہم ترین حصہ ہیں جن کے بغیر زندگی ناممکن ہی نظر آتی ہے۔ لیکن عام طور پر دیکھا جاتا یے کہ خواتین کو وہ عزت، احترام و وقار نہیں دیا جاتا، ان کی اہمیت کو کم کرنے کی کوششیں کی جاتی ہے۔ موجودہ دور میں خواتین نے یہ ثابت کر دیا ہے کہ وہ مردوں سے کسی بھی اعتبار سے کم نہیں، بلکہ کئی میدانوں میں زیادہ کامیاب نظر آتی ہیں۔

نئے دور کی خواتین نہ صرف اپنے پیروں پر کھڑے ہوکر خود مختار بنی ہیں بلکہ دوسروں کو روزگار مہیا کراتی ہوئی نظر آتی ہیں۔ بنگلور کی معروف خواتین انٹرپرنیور جو کہ مسلم انڈسٹریلسٹ اسوسی ایشن سے جڑی بزنس لیڈر ہیں، عالمی یوم خواتین کے موقع پر عوام کے لئے و خاص طور پر خواتین کو پیغام دے رہی ہیں۔ خواتین کا عالمی دن دنیا کے کئی ممالک میں منایا جاتا ہے۔ یہ وہ دن ہے جب خواتین کو قومی، نسلی، لسانی، ثقافتی، معاشی یا سیاسی تقسیم کی پرواہ کیے بغیر ان کی کامیابیوں کے لیے تسلیم کیا جاتا ہے۔

یاد رہے کہ 28 فروری کو امریکہ میں خواتین کا پہلا قومی دن منایا گیا۔ امریکہ کی سوشلسٹ پارٹی نے اس دن کو نیویارک میں 1908 میں گارمنٹس کے کارکنان کی ہڑتال کے اعزاز میں نامزد کیا، جہاں خواتین نے کام کے حالات کے خلاف احتجاج کیا۔