ملک بھر میں کورونا وائرس کا قہر مسلسل جاری ہے۔ بھارت میں روزانہ کورونا کے ریکارڈ معاملے درج کیے جا رہے ہیں۔اس درمیان سپریم کورٹ میں بھی کورونا وائرس کا قہر نظر آرہا ہے۔
اطلاع کے مطابق سپریم کورٹ کے 80 ملازمین میں کورونا مثبت پائے گئے ہیں، وہیں اب سپریم کورٹ کے احاطے میں سینیٹائیزیشن کا کام کیا جارہا ہے۔
کورونا کے قہر کو دیکھتے ہوئے ملک کی متعدد ریاستوں میں نائٹ کرفیو، ویکنڈ لاک ڈاؤن جیسی پابندیاں عائد کردی گئی ہیں۔ اس درمیان سپریم کورٹ کے بہت سارے اسٹاف کورونا متاثر ہوگئے ہیں۔ اس کے بعد اب جج ویڈیو کانفرنسنگ سے اپنے گھر سے ہی معاملات کی سماعت کریں گے۔
اطلاعات کے مطابق جن بینچوں پر صبح 10:30 بجے سماعت ہونے والی تھی، وہ اب 11:30 بجے ہوگی اور جو 11 بجے سماعت ہونی تھی اس کی سماعت اب دوپہر 12 بجے ہوگی۔
ملک میں لاک ڈاؤن نافذ ہونے کے بعد سے سپریم کورٹ کے ملازمین باری باری سے یہاں آرہے ہیں، لیکن ابھی تک واضح نہیں ہوپایا ہے کہ کتنے ملازمین ابھی کورٹ جارہے ہیں۔واضح رہے کہ ابھی ملازمین کی کل تعداد تقریبا تین ہزار ہے۔
