بارہ بنکی: سڑک حادثے میں 9 افراد ہلاک، 27 لوگ زخمی

اترپردیش کے بارہ بنکی میں جمعرات کے روز ٹرک اور بس میں زبردست ٹکر ہوئی۔ اس ٹکر میں 9 سے زائد افراد ہلاک ہو گئے ہیں، جب کہ 27 لوگ زخمی بتائے جا رہے ہیں۔

اترپردیش کے ضلع بارہ بنکی میں جمعرات کے روز ایک ٹرک اور بس زوردار ٹکر ہوئی۔ اس حادثے میں 9 سے زائد افراد کے ہلاک ہونے کی اطلاع ہے۔ وہیں کئی لوگ زخمی ہوئے ہیں جنہیں علاج کے لیے اسپتال میں داخل کرایا گیا ہے۔

بارہ بنکی میں جمعرات کی صبح ایک بڑا سڑک حادثہ پیش آیا۔ یہاں ایک ٹورسٹ بس دیوا تھانہ علاقہ میں کسان پتھ کے آؤٹر رنگ روڈ پر بابورہیا گاؤں کے قریب ٹرک سے ٹکرا گئی۔ یہ ٹکر اتنا زور دار تھی کہ دونوں گاڑیوں کے پرخچے اڑ گئیں۔

وہیں موقع پر ہی 9 مسافروں کی موت ہوگئی۔ جبکہ 27 افراد زخمی ہوگئے ہیں جنہیں علاج کے لیے ہسپتال میں داخل کرایا گیا ہے۔ بتایا جا رہا ہے اس بس میں 60-70 مسافر سوار تھے۔ راحت رسانی کا کام جاری ہے۔