مرکزی حکومت کے بجلی بل کے خلاف ممتا کا احتجاج

مرکزی حکومت کی جانب سے بجلی بل ترمیم کے خلاف مغربی بنگال کی وزیراعلی ممتا بنرجی نے احتجاج کرتے ہوئے وزیراعظم نریندرمودی کو خط لکھا ہے۔ ممتا بنرجی نے دعوی کیا ہے کہ پارلیمنٹ میں اس بل کو پیش کرنے سے قبل مرکزی حکومت کو ریاستی حکومتوں سے اس پر تبادلہ خیال کرنا چاہیے۔

مرکزی حکومت پارلیمنٹ میں بجلی ترمیمی بل پیش کر سکتی ہے۔

اس بل کے خلاف مغربی بنگال کی وزیر اعلی ممتا بنرجی نے احتجاج کرتے ہوئے وزیر اعظم نریندر مودی کو اس سلسلے میں خط لکھا ہے۔

وزیر اعظم نریندر مودی کو لکھے گئے خط میں ممتا بنرجی کا کہنا ہے کہ گذشتہ سال اس بل کے پاس کرنے کی تجویز پیش کی گئی تھی۔ لیکن ہم لوگوں نے یہ محسوس کیا تھا کہ یہ بل عوام مخالف ہے۔

اس،سلسلے میں 12 جون 2020 کو میں نے خط لکھا تھا۔اس وقت بل پیش نہیں کیا گیا۔

مجھے لگا کہ اس سلسلے میں تمام فریقین سے بات کی جائے گی۔لیکن ہمیں پتا چلا ہے کہ ہم لوگوں سے بغیر مشورہ کئے ایک بار پھر سے بل کو پیش کیا جائے گا۔

وزیر اعلی ممتا بنرجی مرکز کے اس قدم پر پھر ناراضگی کا اظہار کرتے ہوئے وفاقی ڈھانچے کو ضرب لگانے کا الزام لگایا ہے۔

انہوں نے خط میں مزید لکھا ہے کہ بجلی بنیادی ضروریات میں شامل ہے۔

اس لئے اگر اس سلسلے میں کوئی بل لایا جائے تو ریاستی حکومتوں کو اعتماد میں لیا جانا چاہئے۔

لیکن مرکزی حکومت اس سلسلے میں یکطرفہ فیصلہ ملک کے وفاقی ڈھانچے کو کمزور کرنے کی کوشش ہے۔

اس سے قبل بھی بنگال کو ضرورت کے مطابق ویکسین نہ ملنے پر ممتا بنرجی نے وزیر اعظم نریندر مودی کو خط لکھا تھا۔