بہار کے ضلع بھاگلپور میں ایک بڑا بم دھماکہ ہوا ہے جس میں 14 افراد ہلاک ہوگئے اور درجنوں کے زخمی ہونے کی اطلاع ہے۔ شدید زخمیوں میں سے چار مزید افراد کی اسپتال میں موت واقع ہوگئی Bhagalpur Blast۔
یہ دھماکہ اتارپور تھانہ کے کجولیچک علاقے میں ہوا۔ دھماکہ اتنا شدید تھا کہ اس کی گونج دور دور تک سنی گئی۔ پولیس کی ٹیم فوری طور پر موقع پر پہنچ گئی۔ ضلع کے ڈی ایم، ایس ایس پی اور ڈی آئی جی بھی موقع پر پہنچ گئے۔ دھماکے کو فوراً بعد پانچ لاشیں نکالی گئیں۔ مرنے والوں میں ایک بچہ بھی شامل ہے۔
جمعرات کی نصف شب کو جب زیادہ تر لوگ نیند میں تھے اور کچھ سونے کی تیاری کر رہے تھے کہ بھاگلپور کے شہری علاقے میں اچانک زور دار دھماکہ ہوا۔ اس کی آواز اتنی تیز تھی کہ لوگ ڈر گئے۔ لوگوں کو سمجھ نہیں آرہا تھا کہ کیا ہوا ہے۔ لوگ طرح طرح کی باتیں کرنے لگے۔ کچھ لوگوں کا خیال تھا کہ زلزلہ آیا ہے لیکن کچھ دیر بعد حقیت سامنے آگئی۔