کورونا ویکسین کی منظوری جلد دی جائے گی: مودی

وزیراعظم نریندر مودی جمعرات کو ویڈیو کانفرنسنگ کے ذریعہ گجرات کے راجکوٹ میں آل انڈیا انسٹی ٹیوٹ آف میڈیکل سائنسز (ایمس) کا سنگ بنیاد رکھا۔

وزیر اعظم مودی نے ویڈیو کانفرنسنگ کے ذریعے اس پروگرام میں حصہ لیا۔ انہوں نے یہاں پر اعتماد کا اظہار کیا کہ جلد ہی بھارت میں کورونا ویکسین کی منظوری دی جائے گی۔

کورونا ویکسین کے سلسلے میں وزیر اعظم مودی نے کہا کہ نیا سال 2021 علاج کی امید کے ساتھ آرہا ہے، بھارت میں ہر ضروری تیاری جاری ہے۔

ویکسین کو سبھی لوگوں تک پہنچانے کے لئے کوششیں جاری ہیں، دنیا کی سب سے بڑی ویکسین مہم چلانے کے لئے تیاریاں زوروں پر ہیں۔

گجرات بھی کورونا اور ویکسین کی تیاری سے نمٹنے کے لئے اچھی پوزیشن میں ہے۔

وزیر اعظم نے کہا کہ اس سال کئی کورونا واریئرز اپنی جانیں گنوائیں ہیں، سال کے انہیں آخری دن نمن کرتا ہوں۔

بھارت نے وقت رہتے اچھے فیصلے کیے ، یہی وجہ ہے کہ آج ہماری صورتحال بہتر ہے۔ بھارت کا ریکارڈ کورونا کو شکست دینے میں بہت بہتر رہا ہے۔