کیرالہ ہائی کورٹ نے جمعہ کے روز فلمساز عائشہ سلطانہ کی پیشگی ضمانت منظور کرلی ہے۔ لکشدیپ کے کوارتی پولیس اسٹیشن نے عائشہ کے خلاف ملک سے غداری کا معاملہ درج کیا ہے۔
بینچ نے مشاہدہ کیا کہ' اس معاملے میں جو شک ظاہر کیا گیا ہے وہ استغاثہ کے ذریعہ عائد کردہ الزامات سے مختلف ہیں۔ ان کا پہلے جرائم کوئیریکارڈ بھی نہیں ہے اور نہ ہی ان کا عدالتی کارروائی سے بھاگنے کا کوئی امکان نظر نہیں آرہا ہے۔
مزید پڑھیں: فلمساز عائشہ سلطانہ ضمانت قبل از گرفتاری کے لیے ہائی کورٹ سے رجوع
واضح رہے کہ ایک ملیالم نیوز چینل میں لکشدیپ میں پرفل کوڈا پٹیل کے ذریعہ نافذ کردہ پالیسیوں پر ہورہی بحث کے دوران عائشہ نے متنازعہ بائیو ہتھیار کا تبصرہ کیا تھا جس کے بعد ان کے خلاف بغاوت کا مقدمہ درج کیا گیا تھا۔
کیرالہ ہائی کورٹ نے ایک ہفتے کے لئے ان کی عبوری پیشگی ضمانت منظور کرلی ہے اور انہیں سی آر پی دفعہ 41 اے کے مطابق تفتیش کے لئے آج پولیس کے سامنے پیش ہونے کی ہدایت کی ہے۔ ساتھ میں عدالت نے حکم نامے میں کہا کہ تفتیش کے دوران وہ اپنے وکیل کی موجودگی میں پیش ہوسکتی ہے۔
عدالت نے کہا کہ ایک ہفتے کی عبوری پیشگی ضمانت پر انہیں رہا کیا جائے گا لیکن انہیں 50 ہزار جرمانہ اور دو لوگوں کی گیرینٹی دینی ہوگی۔