مرکزی وزیر تعلیم ڈاکٹر رمیش پوکھریال نشنک نے جے ای ای مین 2021 کے ملتوی کئے گئے تیسرے اور چوتھے مرحلے کے امتحانات کا اعلان کرتے ہوئے کہا کہ تیسرے مرحلے کے امتحان 20 سے 25 جولائی اور چوتھے مرحلے کے امتحان 27 جولائی سے 2 اگست تک منعقد ہوں گے۔
ڈاکٹر نشنک نے بتایا 'جے ای ای مین امتحان کے تیسرے مرحلہ کے امتحان 20 سے 25 جولائی اور چوتھے مرحلے کے امتحان 27 جولائی سے 2 اگست تک منعقدی کئے جائیں گے'۔
جے ای ای مین کے تیسرے اور چوتھے مرحلے اپریل اور مئی میں ہونے تھے لیکن امتحانات کورونا وبا کی وجہ سے ملتوی کرنے پڑے تھے۔
انہوں نے کہا 'جو طلبا کسی وجہ سے تیسرے مرحلے کے لئے درخواست نہیں دے سکتے تھے وہ آج رات سے 8 جولائی کی رات 11 بجکر 30 منٹ تک درخواست دے سکیں گے۔ اس کے علاوہ چوتھے مرحلے کے لئے بھی آپ 9 جولائی سے 12 جولائی تک درخواست دے سکتے ہیں۔ پچھلی بار جنتے امتحان کے مراکز تھے اب ان کی تعداد کو دوگنا کر دیا گیا ہے تاکہ معاشرتی دوری کو برقرار رکھا جاسکے'۔
واضح ر ہے کہ نیشنل ٹیسٹنگ ایجنسی (این ٹی اے) نے اس سال جے ای ای مین کو چار مراحل میں کرانے کا اعلان کیا تھا جن میں سے دو مراحل فروری اور مارچ میں مکمل ہوچکے ہیں۔
یو این آئی
