People Taking Selfies With Jawan: طویل القامت فوجی جوان کے ساتھ سلفی لینے والوں کی لمبی قطار

ضلع بھدرادری کوٹھا گوڈیم میں مسلسل بارش کے سبب سیلابی صورتحال پیدا ہوگئی ہے جس کی وجہ سے حکومت نے فوجی اہلکاروں کو تعینات کیا ہے۔ اس ٹیم میں ایک اہلکار ایسا بھی ہے جس کا قد ساڑھے سات فٹ ہے۔ اس طویل قد والے فوجی جوان کے ساتھ لوگ سلفیاں لے رہے ہیں۔ People Taking Selfies With Jawan

حیدرآباد: عام طور پر لوگوں کا قد پانچ سے چھ فٹ کا ہوتا ہے لیکن کیا آپ نے کبھی 7.5 فٹ لمبے شخص کو دیکھا ہے؟ ریاست تلنگانہ کے ضلع بھدرادری کوٹھا گوڈیم کے بھدراچلم میں تعینات ایک فوجی جوان کا قد ساڑھے سات فٹ ہے۔ ضلع میں آئے سیلاب کے پیش نظر اس طویل القامت جوان کو یہاں ڈیوٹی پر تعینات کیا گیا ہے۔ مقامی لوگ مذکورہ فوجی جوان کے ساتھ سلفی لے رہے ہیں اور اس سے مل کر خوشی محسوس کر رہے ہیں۔ لوگ سلفی لے کر سوشل میڈیا پر پوسٹ کر رہے ہیں جہاں صارفین اس کی تصویر کو خوب سراہ رہے ہیں۔ Jawan has record height... People taking selfies with him

ریاست جموں کشمیر سے آئے ہوئے اس سیل میں مذکورہ نوجوان فوجی اہلکار کے طور پر خدمات انجام دے رہا ہے۔ فی الحال وہ حیدرآباد میں مقیم ہے۔ وہ سیلاب کے پیش نظر خصوصی ڈیوٹی کے لیے بھدراچلم آیا ہوا تھا۔ جہاں لوگوں نے اس کے ساتھ سلفی لی اور تصویرکو سوشل میڈیا پر شئیر کیا۔