جموں سرینگر قومی شاہراہ آمد و رفت کے لئے بحال

جموں سرینگر قومی شاہراہ پر شاہ عباس کے مقام پر آج چٹانیں اور مٹی کے تودے گرنے کے سبب قومی شاہراہ کو کئی گھنٹوں کے لیے بند کردیا گیا تھا۔ اس دوران ٹریفک جام ہوگیا اور مسافرین درماندہ ہوگئے تھے۔ کئی گھنٹوں کے بعد سڑک کی صفائی کے بعد دوبارہ ٹریفک بحال کیا گیا اور مسافرین کو آمد و رفت کی اجازت دی گئی۔

ٹریفک پولیس نے اعلان کیا ہے کہ جو بھی جموں سرینگر قومی شاہراہ پر سفر کرنے کی خواہش مند ہیں وہ سب سے پہلے جموں ٹریفک کنٹرول روم سے رابطہ کریں اور اجازت ملنے کے بعد ہی اس شاہراہ پر سفر کریں۔

اس سڑک کی صفائی کرینوں کی مدد سے کی گئی ہے لیکن سڑک کی حالت انتہائی خستہ حال ہے۔ کئی مقامات پر بڑے بڑے گڑھے پڑ گئے ہیں اور ان گڑہوں میں پانی بھی بھر گیا ہے جس سے گاڑیاں خراب ہورہی ہیں اور حادثات کا بھی اندیشہ ہے۔