All India Muslim Personal Law Board: ہر حال میں امن و امان اور بھائی چارہ کو قائم رکھنا مسلمانوں کا فریضہ ہے

آل انڈیا مسلم پرسنل لا بورڈ نے مسلم تنظیموں، ملت کی اہم شخصیتوں اور نوجوانوں سے اپیل کی ہے کہ وہ دین و شریعت پر ثابت قدم رہیں اور شریعت کو پوری طرح اپنے آپ پر نافذ کرنے کی کوشش کریں۔ مولانا خالد سیف اللہ رحمانی نے نکاح و طلاق، پردہ، قانون میراث، بچوں کا حق پرورش اور سماجی زندگی کے دوسرے قوانین اللہ تعالی کی طرف سے بحیثیت مسلمان ہم پر فرض کئے گئے ہیں۔ It is the duty of Muslims to maintain brotherhood

آل انڈیا مسلم پرسنل لا بورڈ کے جنرل سکریٹری مولانا خالد سیف اللہ رحمانی نے عید الفطر کی مناسبت سے مبارکباد دیتے ہوئے مسلم تنظیموں،ملت کی اہم شخصیتوں اور نوجوانوں سے اپیل کی ہے کہ وہ دین و شریعت پر ثابت قدم رہیں اور شریعت کو پوری طرح اپنے آپ پر نافذ کرنے کی کوشش کریں۔ مولانا خالد سیف اللہ رحمانی نے نکاح و طلاق، پردہ، قانون میراث، بچوں کا حق پرورش اور سماجی زندگی کے دوسرے قوانین اللہ تعالی کی طرف سے بحیثیت مسلمان ہم پر فرض کئے گئے ہیں۔ It is the duty of Muslims to maintain brotherhood

انہوں نے کہا کہ دنیا کے بہت سے علاقوں بالخصوص مغربی ملکوں میں مسلمان بطور خود قانون شریعت پر عمل کرتے ہیں، یہاں تک کہ اگر عدالت نے کسی عورت کی طلاق کا فیصلہ کر بھی دیا تو مسلم سماج اسے قبول نہیں کرتا اور کوئی مسلمان مرد اس عورت سے نکاح کے لئے تیار نہیں ہوتا، لوگ اپنی مرضی سے شریعت کے قانون پر چلتے ہیں، ہمیں بھارت میں بھی مضبوطی کے ساتھ شریعت پر قائم رہنا ہوگا اور اگر کوئی فیصلہ شریعت کے خلاف ہو بھی جائے تو اس سے بچنا ہوگا، چاہے اس میں ہمارا مالی نقصان ہی کیوں نہ ہو۔ حکومت ضرور قانون بناتی ہے اور بناسکتی ہے لیکن وہ ہمارے گھر پہونچ کر ہمیں اس قانون پر مجبور نہیں کرسکتی، دین پر ثابت قدمی اور اپنی رضامندی سے اسلام پرعمل ہی ہمارے مسائل کا حل ہے۔

آل انڈیا مسلم پرسنل لا بورڈ کے جنرل سکریٹری نے کہا کہ ملت اسلامیہ کو یہ بات بھی یاد رکھنی چاہئے کہ اسلام پر قائم رہنے کےلئے آزمائشوں اور ابتلاؤں سے گزرنا اور بہر صورت ایمان پرثابت قدم رہنا مسلمانوں کا مذہبی فریضہ،انبیاء کی سنت متوارثہ اور پیغمبر اسلام صلی اللہ علیہ وسلم کا اسوہ حسنہ ہے۔ اللہ تعالی ہمیں آزمائشوں سے محفوظ رکھے، لیکن اگر ایمان پر قائم رہنے کے لئے ہمیں جان ومال کی آزمائش سے گزرنا پڑے تو ہم اس کے لئے بھی تیار رہیں، بڑی سے بڑی مصیبت بھی ہمارے پائے استقلال میں کوئی تزلزل نہ آ نے دے، ہمیں عید کے مبارک موقع پر وطن عزیز میں امن وامان، بھائی چارہ، رواداری، سلامتی اور ترقی کی دعا کرنی چاہئے، ماب لنچنگ اقلیتوں کے بائیکاٹ وغیرہ کی جو غیر قانونی اور غیر دستوری حرکتیں کی جارہی ہیں، یہ کچھ شر پسندوں کی کارستانی ہے، برادران وطن کی اکثریت اس کو پسند نہیں کرتی۔ اس لئے اس سے متاثر نہ ہوں،امن وامان کی فضا کو قائم رکھیں، باہمی خیر سگالی اور رواداری کو رواج دیں۔

یو این آئی