عالمی طاقتیں فلسطین کے حقوق کو مانیں: پاپولر فرنٹ آف انڈیا

اسرائیل کی جانب سے فلسطین پر بمباری کرتے ہوئے انسانی حقوق کو پامال کیا جارہا ہے۔ یہ پہلی بار نہیں بلکہ سنہ 2014 میں بھی اسرائیل کی جانب سے غزہ پر ایسے ہی حملے کیے گئے تھے اور اسی طرح 2014 سے 2021 تک بھی فلسطین کے غزہ اور ویسٹ بینک کے مختلف مسلم علاقوں پر اسرائیلی حملے ہوتے آرہے ہیں۔

اسرائیل کی جانب سے فلسطین پر بمباری کی بات کرتے ہوئے پاپولر فرنٹ آف انڈیا کے قومی جنرل سکریٹری انیس احمد نے کہا کہ اسرائیل نے فلسطین کے حق کو کبھی تسلیم ہی نہیں کیا اور انہیں اپنے ہی ملک میں رِفیوجی بنا دیا۔

اس مسئلے کے متعلق انیس احمد نے بتایا کہ مہاتما گاندھی جی کے زمانے سے بھارت، فلسطین کے ساتھ کھڑا رہا ہے. انیس احمد نے مرکزی حکومت سے اپیل کی کہ وہ فلسطین کے حق کی بات کرے اور عالمی طاقتوں کے ذریعے اسرائیل پر دباؤ بنائے کہ وہ ظلم سے باز رہے اور فلسطین کے حق کو تسلیم کرے۔