Congress MP on mughals 'مغلوں نے ہی بھارت کو ہندوستان نام دیا'

آسام سے رکن پارلیمان عبدالخالق کا کہنا ہے کہ مغلوں نے ہی بھارت کو بنایا اور اسے ہندوستان نام دیا۔ مغلوں کے بغیر ملک کی آزادی کی جدوجہد کی کہانی ادھوری ہے۔ Congress MP on mughals

نئی دہلی: کانگریس کے رکن پارلیمان عبدالخالق نے مغلوں سے متعلق بیان دے کر سرخیوں میں آگئے ہیں۔ رکن پارلیمان عبدالخالق نے کہا کہ مغلوں نے بھارت کو روڈ میپ دیا۔ مغلوں نے ہی بھارت کو بنایا اور ملک کو پہلی بار 'ہندوستان' کا خطاب دیا۔ انہوں نے یہ بھی کہا کہ مغلوں کے بغیر ملک کی آزادی کی جدوجہد ناقص ہے۔ تاہم اس بیان پر تنازع کے بعد انہوں نے وضاحت بھی دی ہے۔Abdul Khaliq Statement Regarding Mughals Emperor

عبدالخالق نے کہا کہ 'میں نے ٹویٹ نہیں کیا۔ میں نے صرف ایک ٹویٹ پر کمنٹ کیا تھا۔ اب جب کہ یہ وائرل ہو گیا ہے، میں کیا کر سکتا ہوں؟ ہاں میں اب بھی کہتا ہوں کہ یہ مغل حکمران تھے جنہوں نے بھارت کو پہلی بار ہندوستان کہا تھا۔ اس سے پہلے اس ملک کو کسی نے ہندوستان نہیں کہا تھا۔ پہلے چھوٹی چھوٹی ریاستیں تھیں۔ مغلیہ دور حکومت میں بھارت نے ایک مکمل ملک کی صورت اختیار کیا۔ جس میں مشرق، مغرب، شمال، جنوب سب ہیں۔