بھارت اور سری لنکا نے بین الاقوامی دہشت گرد تنظیموں اور مفرور مجرموں کے خلاف مل کر کام کرنے پر اتفاق ظاہر کیا ہے۔
دونوں ممالک کے پولیس سربراہان کے مابین جمعرات کو ورچوول طریقے سے وفد سطح کے مذاکرات میں یہ اتفاق ہوا۔ مثبت اور باہمی اعتماد کے ماحول میں منعقد ہوئے اس پروگرام میں بھارتی وفد کی قیادت خفیہ بیورو کے ڈائرکٹر نے کی، جبکہ سری لنکائی وفد کی قیادت پولیس انسپکٹر جنرل سی ڈی کووکرم رتنے نے کی۔
دونوں ممالک کے مابین دشوار سمندری راستے پر منشیات کے اسمگلروں اور دیگر منظم جرائم پیشہ افراد کے خلاف ایک دوسرے کے اقدامات کی تعریف کرتے ہوئے ، دونوں فریقوں نے صحیح وقت پر انٹلیجنس اور فیڈ بیک مشترک کرنے کی ضرورت پر زور دیا۔ دونوں فریق عالمی دہشت گرد تنظیموں اور مفرور مجرموں سمیت دہشت گرد تنظیموں، جہاں بھی وہ موجود ہیں، کے خلاف مشترکہ طور پر کام کرنے پر متفق ہوئے۔
مذاکرات کے دوران موجودہ تعاون کے نظام کو مضبوط کرنے کا فیصلہ کیا گیا اور ابھرتے ہوئے حفاظتی چیلنجوں کا بروقت اور موثر انداز سے نمٹنے کے لئے نوڈل پوائنٹس بھی مقرر کیے گئے۔
پولیس چیفس کی مواصلاتی تنظیم کو دونوں اطراف کی دیگر سیکیورٹی ایجنسیوں کے ارکان کی مدد فراہم کی جاتی ہے۔ اس تنظیم سے دونوں ممالک کی پولیس فورس کے مابین موجودہ تعاون کو مزید تقویت ملے گی۔