حقوق اللہ کے علاوہ حقوق العباد بھی ضروری ہیں: صوفی سینٹر

ریاست کرناٹک کا معروف دینی و سماجی ادارہ انٹرنیشنل صوفی سینٹر کی جانب سے عید میلاد النبی کی مناسبت سے ایک اجلاس منعقد کیا گیا، جس میں شہر کی کئی اہم دینی و ادبی شخصیات نے شرکت کی۔

بنگلور: اجلاس میں مقررین نے پیارے نبی کی تعلیمات کا حوالہ دیتے ہوئے بتایا کہ انسان مذہبی رواداری، مساوات کو اپنی عملی زندگی میں رائج کرے، حقوق العباد کو بجا لائے اور ایک دوسرے کی مدد کرکے معاشرے میں امن کو فروغ دے۔

اس موقع پر ادارے کی جانب سے ادباء و شعراء حضرات کو تہنیت پیش کی گئی۔ معروف شخصیات جیسے مبین منور، شفیق عابدی، مولانا زبیح اللہ و دیگر نے اجلاس میں شرکت کی اور اپنے خطابات میں پیارے نبی کی تعلیمات کو عام کیا۔

صوفی سینٹر

یاد رہے کہ انٹرنیشنل صوفی سینٹر ریاست کا قدیم ادارہ ہے، جس کی جانب سے وقتاً فوقتاً مختلف موضوعات پر پروگرامز کا اہتمام کیا جاتا یے، جہاں پر مذہبی رواداری، آپس میں محبت و شفقت کے دروس دئے جاتے ہیں۔