حیدرآباد:نیلوفر اسپتال میں زیر علاج تین سالہ بچہ کی موت

نیلوفر اسپتال میں زیرِعلاج ایک تین سالہ لڑکا سید خواجہ کی موت ہوگئی ہے ۔

حیدرآباد کے پرانا شہر کے علاقہ میں واقع نیلوفر اسپتال میں زیر علاج ایک تین سالہ بچہ سید خواجہ کی موت ہوگئی ۔جس کے بعد اس کے اہل خانہ نے برہمی کا اظہار کیا۔

حلقہ یاقوت پورہ کے رکن اسمبلی سید احمد پاشاہ قادری نیلوفر اسپتال پہنچ کر حالات کا جائزہ لیا۔اور اسپتال عملہ پر برہمی کا اظہار کیا۔ انہوں نے میڈیا سے بات کرتے ہوئے کہا کہ 3 سالہ معصوم سید خواجہ کی موت کے زمہ دار ڈاکٹرز اور اسٹاف ہیں۔

واضح رہے کہ سید خواجہ ڈینگو میں مبتلا تھا۔ اسے 27 اکتوبر کو نیلوفر اسپتال میں داخل کیاگیا تھا۔ تاہم ڈاکٹروں کے لاپرواہی کے سبب سید خواجہ کی طبعیت بگڑتی گئی۔

طبیعت بگڑنے کے بعد اسے ڈائیگنوس سنٹر کو شبھاش نامی وارڈ بوائے لےجایا جارہا تھا۔ خواجہ کے اہل خانہ کا کہنا ہے کہ اسے بغیر آکسیجن کے ہی لے جایا جارہا تھا۔ جس کے سبب اس کی موت ہوگئی۔

سید خواجہ کے اہل خانہ نے الزام عائد کیا کہ شبھاش نامی وارڈ بوائے نے کچھ پیسوں کے لیے آکسیجن سلنڈر دوسرے مریض کو لگا دیا جس کے سبب ہمارے بچے کی موت ہوگئی۔ شبھاش موقع واردات سے فرار ہو گیا۰