Stone Pelting at Garba in MP مسلم نوجوانوں کے گھروں پر بلڈوزر کی کارروائی

مدھیہ پردیش کے ضلع مندسور میں گربا پنڈال پر پتھر بازی کے الزام میں ظفر، رئیس اور سلمان کے گھر پر انتظامیہ نے بلڈوزر سے کارروائی کرتے ہوئے ان کے گھر منہدم کر دئے۔ وہیں یہ بھی کہا جا رہا ہے کہ موٹر سائیکل سے اسٹنٹ کو لے کر جھگڑا شروع ہوا تھا، جس کے بعد پتھراؤ اور مار پیٹ کی واردات پیش آئی اور معاملے کو نئا رخ دے دیا گیا۔ Stone Pelting at Garba in MP

مندسور: ریاست مدھیہ پردیش کے ضلع مندسور میں کچھ مسلم نوجوانوں پر گربا کے دوران پتھر بازی کا الزام لگایا گیا ہے۔ جس میں پولیس نے 19 لوگوں پر معاملہ درج کیا ہے۔ ساتھ ہی اس معاملے میں اب تک سات لوگوں کی گرفتاری بھی عمل میں آئی ہے لیکن حیرانی اس بات کی ہے کہ اس معاملے میں گرفتار ہوئے تین ملزمین ظفر، رئیس اور سلمان کے گھروں پر مندسور ضلع انتظامیہ نے بلڈوزر چلا کر کارروائی کی ہے۔ Stone Pelting at Garba in MP

واضح رہے کہ تینوں کے گھروں کو ضلع انتظامیہ نے ناجائز قبضہ بتاتے ہوئے بلڈوزر چلا دیا۔ وہیں بلڈوزر سے ہوئی کارروائی کے بعد کئی لوگوں نے اس پر سوال کھڑے کیے ہیں۔ لوگوں کا کہنا ہے کہ کیا اب ملزمین کو سزا دینے کے لیے قانون اور آئین کی ضرورت نہیں ہے۔ لوگوں کا کہنا ہے کہ صرف مسلمانوں کے گھروں پر ہی بلڈوزر کیوں چلائے جا رہے ہیں۔ اب سزا دینے کے لیے کورٹ کے فیصلے کی ضرورت نہیں ہے۔ بس لوگوں کے گھروں کو بلڈوزر سے گیرا دیا جا رہا ہے۔

وہیں یہ بھی کہا جا رہا ہے کہ موٹر سائیکل سے اسٹنٹ کو لے کر جھگڑا شروع ہوا تھا، جس کے بعد پتھراؤ اور مار پیٹ کی واردات پیش آئی۔ اس معاملے میں 19 لوگوں کے نام سامنے آئے۔ اس معاملے میں یہ بات بھی سامنے آئی ہے کہ ضلع انتظامیہ نے معمولی جھگڑے کو ایک بڑا معاملہ بنا کر پیش کر دیا ہے۔ مقامی لوگوں کا کہنا ہے کہ جس طرح کا معاملہ بنایا گیا ہے، وہ ایک مخصوص طبقے کے خلاف ہے۔ انہیں نشانہ بنایا جا رہا ہے۔