زرعی قوانین کو واپس کراکرہی واپس جائیں گے: حنان ملا

آل انڈیا کسان سبھا کے رہنما حنان ملا نے ای ٹی وی بھارت سے خصوصی بات چیت کے دوران کہا کہ کسان بغیرزرعی قوانین کو واپس کرائے گھر واپس نہیں جائیں گے، چاہے انہیں طویل احتجاج ہی کیوں نہ کرنا پڑے۔

آل انڈیا کسان سبھا کے رہنما اور حنان ملا جو مغربی بنگال کے ہاوڑہ ضلع کے البیریا حلقہ سے آٹھ دفعہ لوک سبھا کے لئے منتخب ہوئے تھے ۔ انہوں نے کہا کہ حکومت قوانین میں ترامیم کی بات کر رہی ہے لیکن کسانوں کو یہ قابل قبول نہیں ہے۔

انہوں نے صاف طور پر کہا کہ کسان بغیر قوانین کو واپس کرائے نہیں جائیں گے۔ اس کے لئے کسانوں کو کتنے بھی دنوں تک احتتجاج کو جاری رکھنا پڑے۔

انہوں نے وزیر داخلہ امت شاہ سے ہوئی ملاقات کے بارے میں بتایا کہ وزیر داخلہ امت شاہ سے کل میٹنیگ میں وہی پرانی باتیں ہوئیں۔ امت شاہ بھی دوسرے وزرا کی طرح قوانین میں ترمیم کی بات کررہے تھے ۔

انہوں نے مزید بتایا کہ ہم نے امت شاہ سے کہا کہ آپ بڑے منتری ہیں ہم لوگ سمجھتے تھے کہ آپ کچھ الگ کریں گے ۔ لیکن آپ بھی ترمیم پر ہی رکے ہوئے ہیں۔

واضح رہے کہ نئے زرعی قوانین کے خلاف کسانوں کا گزشتہ 14 دنوں سے احتتجاج جاری یے۔

کسانوں نے نئے زرعی قوانین کو فوراً واپس لینے کا مطالبہ کیا ہے۔ وہیں حکومت قوانین میں ترامیم کرنے کی بات کر رہی ہے۔